جۇما, 10 شىلدە 2020
COVID-19 قازاقستاندا. جۇقتىرعاندار — 53021. جازىلعاندار — 31277. قايتىس بولعاندار — 264
اكىمنىڭ ءىسى 1170 3 پىكىر 27 مامىر, 2020 ساعات 13:01

بولات باقاۋوۆ 3,5 جىلعا باس بوستاندىعىنان ايىرىلدى

قىزمەت بابىن اسىرا پايدالانۋ فاكتىسى بويىنشا ءىس قوزعالعان پاۆلودار وبلىسىنىڭ بۇرىنعى اكىمى بولات باقاۋوۆ 3,5 جىلعا باس بوستاندىعىنان ايىرىلدى.

«سوتتالۋشى قر قىلمىستىق كودەكسىنىڭ 361-بابىنىڭ 4-بولىگى 3-تارماعى («لاۋازىمدىق وكiلەتتiكتەردى تەرىس پايدالانۋ») بويىنشا ايىپتى دەپ تانىلدى. سوتتىڭ ۇكىمىمەن ول 3,5 جىلعا باس بوستاندىعى شەكتەلدى. سونداي-اق، ول ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلدى»،- دەدى №2 سوتتىڭ سۋدياسى نۇرلان قايىربەكوۆ.

Cوت ۇكىمىمەن وعان كوڭىل كوتەرۋ ورىندارىنا بارۋعا تىيىم سالىندى. ودان بولەك، 100 ساعات ۋاقىت قوعامدىق ەڭبەككە جۇمىلۋعا مىندەتتەلگەن. جانە ول 10 مىڭ دوللاردى قايتارۋى ءتيىس.

ەسكە سالا كەتەيىك، بۇعان دەيىن پروكۋرور باقاۋوۆقا 3,5 جىلعا باس بوستاندىعىن شەكتەۋ تۋرالى ءوتىنىش جاساعان بولاتىن. پروكۋرور سوتتالۋشىنىڭ كىناسى تەرگەۋ ارقىلى دالەلدەنگەنىن اتاپ ءوتتى. سوتتالۋشى باقاۋوۆ پروتسەسسۋالدىق كەلىسىم جاساسۋعا كەلىسىپ، كىناسىن تولىق مويىندادى.

ال، وسىعان دەيىن بولات باقاۋوۆ قر قىلمىستىق كودەكسىنىڭ 362 بابى، 4 تارماعى، 3 بولىگى بويىنشا، ياعني، «ءوزىنىڭ جەكە باس پايداسى نەمەسە باسقا جەكە تۇلعانىڭ، ۇيىمنىڭ پايداسى ءۇشىن قىزمەتتىك مانسابىن نەمەسە بيلىك قۇزىرەتىن پايدالانۋ» بويىنشا كۇدىكتى دەپ تانىلعان بولاتىن.

زاڭدا بۇل باپ بويىنشا، 5 جىلدان 10 جىلعا دەيىن باس بوستاندىعىنان ايىرۋ، دۇنيە مۇلكىن تاركىلەۋ، ءومىر بويى بەلگىلى ءبىر قىزمەتكە تاعايىندالۋ نەمەسە بەلگىلى ءبىر قىزمەتپەن اينالىسۋ قۇقىنان ايىرۋ جازاسى كوزدەلگەن.

Abai.kz

3 پىكىر