سارسەنبى, 8 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
الاڭ 2044 10 پىكىر 27 مامىر, 2020 ساعات 11:47

مىڭداعان قازاق اۋىلى كۇل-قوقىس پوليگونىنا اينالىپ كەتتى

قر ەكولوگيا، گەولوگيا جانە تابيعي رەسۋرستار

ءمينيسترى  م. م. مىرزاعاليەۆكە، 

قر باس مەملەكەتتىك سانيتارلىق

دارىگەرى ا. س. ەسماعامبەتوۆاعا!

قر جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالالىق دەپارتامەنتىنىڭ جانىنان قۇرىلعان اقپاراتتىق اعارتۋشىلىق ۇگىت-ناسيحات شتابىنىڭ «اۋىلداردىڭ سانيتارلىق احۋالى ادام توزگىسىز ناشار جاعدايدا» اتتى

دابىل قاعۋ مالىمدەمەسى

قۇرمەتتى ماعزۇم ماراتۇلى!

قۇرمەتتى ايجان سەرىكبايقىزى!

اۋىل - قازاقتىڭ جانى! اۋىل - قازاق جەرىنىڭ قورعاۋشىسى، ساقتاۋشىسى جانە قورعانى! اۋىلىمىز - ۇلتىمىزدىڭ التىن بەسىگى! اۋىل قۋانسا - ءبارىمىز قۋانامىز! بۇل باعىتتا مەملەكەت اۋىلدى كوتەرەتىن جاڭا جوبالار مەن ماڭىزدى باعادارلامالاردى جۇزەگە اسىرۋدا.

بۇگىنگى كۇنى ەلىمىزدە 6612 اۋىل بار. ءبىزدى، قوعام وكىلدەرىن الاڭداتىپ وتىرعانى - سول اۋىلداردىڭ ادام توزگىسىز سانيتارلىق ءجاي-كۇيى بولىپ تۇر. اشىعىن ايتساق مىڭداعان قازاق اۋىلى كۇل-قوقىس پوليگونىنا اينالىپ كەتكەن. وندا نە جوق، قوقىستىڭ ءبارى بار. قىس بويى اۋىل تۇرعىندارى تۇرمىستىق قالدىقتاردان باستاپ مالدىڭ بوعىنا دەيىن سوندا توگەدى.

ەڭ قاۋىپتىسى - ول كۇل-قوقىس پوليگوندارىندا مالدىڭ، يت-مىسىقتىڭ ولەكسەلەرى ءۇيىلىپ جاتىر. سول ولەكسەلەردى تالاپ جەپ جۇرگەن يت-قۇستار. ولار جۇقپالى اۋرۋ تاراتادى. قازىر كوپ اۋىلدى قارا شىبىن باسقان. قالىپتاسقان بۇل    سۇمدىقتى قاداعالاپ جاتقان ءبىر جاندى كورمەدىك. شۇعىل شارا قولدانباساق، ەلگە جۇقپالى اۋرۋلار تاراپ كەتۋ قاۋپى انىق بار.

ءبىزدىڭ ۇسىنىس: بارلىق 6612 اۋىلداردىڭ سانيتارلىق جاعدايلارىنا تەكسەرۋ جۇرگىزىپ، ءتيىستى شارالاردى جۇزەگە اسىرۋ قاجەت. ارنايى قاۋلى قابىلداۋ كەرەك.

اۋىل تازا بولسا، ەل تازا بولادى.

قۇرمەتپەن سادىبەك تۇگەل،

نۇر-سۇلتان ق. «انتيكور» ورتالىعىنىڭ جانىنان قۇرىلعان اقپاراتتىق-اعارتۋ، ۇگىت-ناسيحات شتابىنىڭ باسشىسى، «ۇلى دالا قىراندارى» حالىقتىق قوزعالىسىنىڭ تەڭ توراعاسى.

Abai.kz

10 پىكىر