1 ماۋسىمنان باستاپ ەلورداداعى بالاباقشالار مەن قوسىمشا ءبىلىم بەرۋ ۇيىمىنىڭ ءبارى قالىپتى جاعدايدا جۇمىسىن باستايدى،-دەپ حابارلايدى قازاقپارات.

«18 مامىردان باستاپ مەنشىك نىسانىنا قاراماستان بارلىق مەكتەپكە دەيىنگى ۇيىمدار سانيتارلىق-دەزينفەكتسيالىق رەجيمدى ساقتاي وتىرىپ، ءوز جۇمىستارىن ءبىرىنشى كەزەكتە بالانى ۇيدە قالدىرۋعا مۇمكىندىگى جوق، جۇمىس ىستەيتىن اتا-انالار ءۇشىن، اتا-انالاردىڭ قالاۋى بويىنشا «كەزەكشى توپتار» رەجيمىندە قايتا باستادى. بۇگىنگى كۇنى بالاباقشالاردا بالالار سانى – 4134. بۇل – جالپى بالالاردىڭ 7,4 پايىزى»، - دەدى نۇر-سۇلتان قالاسىنىڭ ءبىلىم باسقارماسىنىڭ باسشىسى شولپان قادىروۆا نۇر-سۇلتان قالاسى اكىمدىگىنىڭ Facebook پاراقشاسىندا ونلاين رەجيمدە وتكەن ءباسپاسوز ءماسليحاتىندا.

باسقارما باسشىسىنىڭ ايتۋىنشا، 1 ماۋسىمنان باستاپ بارلىق بالاباقشا مەن قوسىمشا ءبىلىم بەرۋ ۇيىمى شتاتتىق رەجيمدە، ياعني قالىپتى جاعدايدا جۇمىستارىن قايتا باستاۋدى جوسپارلاپ وتىر. سونىمەن قاتار مەكتەپكە دەيىنگى ءبىلىم بەرۋ ۇيىمدارىنداعى دايارلىق توپتارى 1 تامىزعا دەيىن بالاباقشاعا بارادى.

Abai.kz