جۇما, 29 ناۋرىز 2024
5718 0 پىكىر 20 مامىر, 2020 ساعات 16:50

دۇنيەجۇزىلىك بانك قازاقستانعا قانشا اقشا بەردى؟

دۇنيەجۇزىلىك بانك ساراپشىلارى الەمدىك ەكونوميكادا «تەرەڭ رەتسەسسيا» مەن 5% قۇلدىراۋ بولادى، دەپ بولجايدى. بۇل تۋرالى Forbes.kz جازدى.

بانكتىڭ ەسەبىنشە، COVID-19 پاندەمياسىنىڭ سالدارىنان 60 ميلليون ادام كەدەيلىكتىڭ ەڭ تومەنگى شەگىنە جەتۋى مۇمكىن. ءسويتىپ، ءۇش جىل بۇرىنعى دامۋدى كەرى شەگەرەدى. بۇل الەمدىك دەڭگەيدە.

2015 جىلعى دەرەك بويىنشا، الەمدە 734 ميلليون ادام نەمەسە الەم حالقىنىڭ 10%-ى وتە كەدەي تۇرمىس كەشكەن ەكەن. ال كەدەيلىكتىڭ ەڭ تومەنگى كورسەتكىشى - كۇنىنە 1,9 دوللاردان اسپايتىن تابىس. بۇل دۇنيەجۇزىلىك بانكتىڭ دەرەگى.

دۇنيەجۇزىلىك بانك بۇعان دەيىن پاندەميا سالدارىنان 49 ميلليون ادام قاتتى كەدەيلىكتە بولادى، دەپ بولجاعان بولاتىن. كوروناۆيرۋس داعدارىسى مەن كارانتين - دامۋشى جانە دامىعان ەلدەردىڭ ەكونوميكالارى مەن دەنساۋلىق ساقتاۋ جۇيەسىنە كەرى اسەر ەتتى. سوندىقتان الەمدىك ەكونوميكا ءوسىمى باياۋلاپ، 5% قۇلدىراۋعا تاپ بولادى، دەيدى دب توبىنىڭ پرەزيدەنتى دەۆيد مالپاس.

ايتا كەتەيىك بۇعان دەيىن دۇنيەجۇزىلىك بانك داعدارىسقا قارسى باعدارلاما نەگىزىندە الەم حالقىنىڭ 70%-ى تۇراتىن 100 ەلدى قارجىلاندىرعان ەكەن. بۇل باستاما اياسىندا دەنساۋلىق ساقتاۋ، ەكونوميكا مەن الەۋمەتتىك قورعاۋدى قولداۋعا 160 ملرد. دوللار بولىنگەن. ال ورتالىق ازيا مەملەكەتتەرىنە پاندەميا كەزىندە ەكونوميكا مەن حالىقتى قولداۋعا 370 ميلليون دوللار بولگەن.

بۇل قاراجاتتىڭ باسىم بولىگىن (312 ميلليون دوللار) وزبەكستان العان. 95 ملن. دوللاردى ۇلتتىق دەنساۋلىق ساقتاۋ جۇيەسىن جاقسارتۋ جانە كەدەيلەرگە قولداۋ كورسەتۋگە، 200 ميلليون دوللاردى - بيۋدجەتتى قوسىمشا قاراجاتپەن قامتاماسىز ەتۋگە، 17 ميلليون دوللار - شۇعىل مەديتسينالىق كومەك جۇيەسىن جاقسارتۋعا جۇمساعان.

ال، قازاقستان 10 ملن. دوللار، تاجىكستان - 11,3 ملن. دوللار، قىرعىزستان - 21 ملن. دوللار الىپتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610