ۇلتتىق ەكونوميكا ءمينيسترى رۋسلان دالەنوۆ قازاقستاندا يندۋستريانى دامىتۋ قورى قۇرىلاتىنىن مالىمدەدى،- دەپ حابارلايدى Tengrinews.kz.

مينيستر قازاقستانداعى يندۋستريانى قولداۋ اياسىندا سالانى قارجىلاندىرۋ تەتىكتەرى كەڭەيىپ جاتقاندىعىن ايتتى.

«سونىمەن، وڭدەۋشى كاسىپورىندارعا، ولاردىڭ مولشەرىنە قاراماستان، ۇلتتىق بانكتىڭ باعدارلاماسى بويىنشا اينالىم قاراجاتىن جەڭىلدەتىلگەن قارجىلاندىرۋ ۇسىنىلادى. ۇزاق مەرزىمدى كەلىسىمدەردى ۇلتتىق دامۋ ينستيتۋتتارى «كەپىلزات» رەتىندە قابىلدايدى. ءوندىرۋشى كاسىپورىندار «بيزنەستىڭ جول كارتاسى - 2025» باعدارلاماسى بويىنشا جەڭىلدەتىلگەن نەسيە الا الادى. ەكسپورتتىق نەسيە بەرىلەدى، بانكتەرگە ءبىر قارىز الۋشىعا بىرلەسكەن نەسيە بەرۋ ءۇشىن سينديكاتتالعان نەسيە ەنگىزىلەدى،- دەدى دالەنوۆ ۇكىمەت وتىرىسىندا.

يندۋستريانى دامىتۋ قورى قۇرىلادى دەپ حابارلانۋدا. وندىرىستىك كاسىپورىندار قور ارقىلى ءۇش پايىزدان اسپايتىن مولشەردە نەسيە الادى.

«ۇكىمەت وتاندىق تاۋار وندىرۋشىلەردىڭ تاۋارلارىن جىلجىتۋ بويىنشا بىرقاتار شارالاردى قولدادى. بۇل مەملەكەتتىك ساتىپ الۋلار، كۆازيمەملەكەتتىك سەكتور مەن جەر قويناۋىن پايدالانۋشىلار ءۇشىن ساتىپ الۋ-ساتۋ كەلىسىمشارتىنان تۇرادى. بۇل جەڭىلدەتىلگەن قارجىلاندىرۋ الۋشىلار ءۇشىن قازاقستاندىق ماتەريالدار مەن جابدىقتاردى پايدالانۋ بويىنشا مىندەتتەمەلەردى بەلگىلەۋ»، - دەپ ءتۇسىندىردى مينيستر.

ول مىندەتتەمەلەر جەكە ينۆەستورلار الدىنداعى ليتسەنزيالىق كەلىسىم شارتتاردا بەلگىلەنەتىنىن اتاپ ءوتتى.

«اۋىلشارۋاشىلىق تەحنيكالارىن ساتىپ الۋ ءۇشىن ينۆەستيتسيالىق سۋبسيديالار بەرۋ تەتىگى جەتىلدىرىلەدى. سونىمەن قاتار، جوعارى قايتا وڭدەۋ قوندىرعىلارىنىڭ ەكسپورتتىق ونىمدەرىن وندىرۋشىلەردىڭ كولىك شىعىندارىن وتەۋ 80 پايىزعا دەيىن ۇلعايتىلادى. تولتىرىلعان اينالىم كاپيتالى ققس-نى جەدەل قايتارۋعا ىقپال ەتەدى»، - دەپ قورىتىندىلادى دالەنوۆ.

Abai.kz