سەنبى, 6 ماۋسىم 2020
COVID-19 قازاقستاندا. جۇقتىرعاندار — 12511. جازىلعاندار — 6903. قايتىس بولعاندار — 52
427 1 پىكىر 17 مامىر, 2020 ساعات 15:16

قىرعىزستاندا سوڭعى قوڭىراۋ 30 مامىردا "ونلاين سوعىلادى"

قىرعىزستاندا وقۋ جىلى 30 مامىردا اياقتالادى دەپ مالىمدەدى ەلدىڭ ءبىلىم جانە عىلىم ءمينيسترىنىڭ ورىنباسارى ناديرا جۇسىپبەكوۆا.

«كوكتەمگى دەمالىس ادەتتەگىدەن ۇزاق بولدى. سوسىن 1-5 مامىر دەمالىس كۇندەرى بولدى. وقۋشىلار مەكتەپ باعدارلاماسىن تولىق يگەرۋ ءۇشىن وقۋ جىلىن سوزدىق»، - دەدى ءمينيستردىڭ ورىنباسارى.

ونىڭ ايتۋىنشا، كوروناۆيرۋس ەپيدەمياسىنا بايلانىستى مەكتەپتەردە سوڭعى قوڭىراۋ شاراسى ونلاين تۇردە 30 مامىردا وتەدى.

«سىناپتان سىنىپقا اۋىسۋ ەمتيحانى بيىل وتپەيدى. مۇعالىمدەر وقۋشىلاردىڭ جىل بويى ساباق ۇلگەرىمىنە قاراپ باعا بەرەتىن بولادى. مەكتەپ بىتىرۋشىلەرگە اتتەستاتسيا بەرۋ ەرەجەسىنە وزگەرىستەر ەنگىزىلدى. مەكتەپ ديرەكتورى پاندىك كوميسسيا قۇرادى. وعان مۇعالىمدەر ءاربىر تۇلەكتىڭ ءار توقسانداعى ساباق ۇلگەرىمى جايىندا ەسەپ بەرەدى. جالپى بەلسەندىلىگى، وليمپياداعا، ءتۇرلى بايقاۋلارعا، عىلىمي جۇمىستارعا قاتىسۋى دا ەسەپكە الىنادى»، - دەپ ءتۇسىندىردى ءمينيستردىڭ ورىنباسارى.

مەكتەپ تۇلەكتەرى وزىنە قويىلعان باعاعا كوڭىلى تولماسا، شاعىمدانا الادى.

ال 21 ماۋسىمدا 180 تەست ورتالىعىندا مەكتەپ تۇلەكتەرى ۇلتتىق بىرىڭعاي تەست تاپسىرادى.

15 مامىرداعى مالىمەت بويىنشا، قىرعىزستاندا 1111 ادامنان كوروناۆيرۋس انىقتالدى. 745 ناۋقاس ەمدەلىپ، 14-ءى كوز جۇمعان.

Abai.kz

1 پىكىر