سەنبى, 6 ماۋسىم 2020
COVID-19 قازاقستاندا. جۇقتىرعاندار — 12511. جازىلعاندار — 6903. قايتىس بولعاندار — 52
505 0 پىكىر 16 مامىر, 2020 ساعات 15:42

قىرعىزستاندا ينتەرنەت پەن الەۋمەتتىك جەلىلەردى باقىلايتىن زاڭ جوباسى ازىرلەندى

قىرعىز پارلامەنتىنىڭ دەپۋتاتى گۇلشات اسىلباەۆا "اقپاراتتى مانيپۋلياتسيالاۋ جونىندەگى" زاڭ جوباسىن ازىرلەپ شىقتى. قۇجات قوعامدىق تالقىلاۋعا شىعارىلدى.

زاڭ جوباسىن ازىرلەۋشىنىڭ ايتۋىنشا، قازىرگى قولدانىستاعى زاڭدار ينتەرنەت كەڭىستىگىندەگى اقپاراتتاردى قۇقىقتىق تۇرعىدان رەتتەي المايدى.

گۇلشات اسىلباەۆانىڭ سوزىنشە، ينتەرنەت جەلىلەرىندە شىندىققا سايكەس كەلمەيتىن اقپاراتتاردى جاريالاۋعا تىيىم سالىنۋى كەرەك. جالعان اقپارات تاراتقان سايت يەلەرى زاڭ الدىندا جاۋاپ بەرۋى ءتيىس.

ازىرلەنگەن زاڭ جوباسىندا ەگەر جاريالانعان اقپارات شىندىققا سايكەس كەلمەيتىن بولسا، مەملەكەتتىك ءتيىستى ورگان سوتقا دەيىن سايتقا شەكتەۋ قويا الادى دەلىنگەن. ەگەر سايت يەسى ەسكەرتۋدى ەسكەرمەسە، مەملەكەتتىك ورگان سوتقا جۇگىنەدى.

قۇجاتتا سونىمەن بىرگە پروۆايدەرلەردى سوت ورىندارىنا ينتەرنەت قولدانۋشى جايىندا مالىمەت بەرۋگە مىندەتتەگەن.

Abai.kz

0 پىكىر