جۇما, 29 ناۋرىز 2024
جاڭالىقتار 3060 0 پىكىر 2 قاراشا, 2011 ساعات 05:39

اتىراۋ: «حاليفات اسكەرلەرى» جانە قازاقستان

The Long War Journal ينتەرنەت-پورتالى «حاليفات جاۋىنگەرلەرى» تەررورلىق ۇيىمىنىڭ اتىراۋدا بولعان جارىلىستاردى ءوز  موينىنا العانى تۋرالى مالىمدەمەنى جاريالادى. بۇعان دەيىن دە قازاقستان ۇكىمەتىن جارىلىستار جانە قۇربانداردارمەن قورقىتقان قورقاۋلاردىڭ ۇيىمى «بۇل جارىلىستار قورقىتۋ ەمەس، ناقتى ىسكە كوشكەنىمىزدى ەسكەرتۋ» دەپتى.

«ءبىز بيلىكتىڭ ولگەن ادام ءوزىن ءوزى جارىپ جىبەردى» دەگەن مالىمدەمەسىن جوققا شىعارامىز. بومبا وقىستان جارىلىپ كەتكەن. ءبىزدىڭ باۋىرىمىز شەيىت بولدى» دەلىنگەن مالىمدەمەدە.

تەررورشىلار ۇكىمەتكە جاڭا زاڭعا بايلانىستى ەسكەرتۋلەرىن ەسكەرمەسە مۇنان دا جامان بولاتىنىن ايتادى. «ازىرگە ءبىز ادام شىعىنسىز جارىلىستار جاسادىق، كوپ ادامنىڭ جاراقات الماۋىن، زارداپ شەكپەۋىن مۇقيات قاداعالادىق. بىراق ۇنەمى بۇلاي بولا بەرمەيدى» دەپتى ۇرەيلى سەس كورسەتىپ.

اتىراۋ وبلىستىق پروكۋراتۋراسى ءوزىن-ءوزى جارعان شەيىتتىڭ اتى-ءجونى انىقتالعاندىعىن راستاپ وتىر. ول 1987 جىلدىڭ 20 جەلتوقسانىندا تۋىلعان سۇلتانعاليەۆ باۋىرجان قاناتۇلى.

- ونىڭ ءمايىتىن تۋىسقاندارى تانىدى جانە ساۋساقتارىنىڭ ءىزى ارقىلى اجىراتىلدى. تۇرعان مەكەن-جايىن تەكسەرۋ كەزىندە قولدان جاسالعان جارىلعىش زات، جارىلعىش زات جاسايتىن كومپونەنتتەر، سونداي-اق، قولدان بومبا جاساپ، جيناقتاۋعا ارنالعان ارنايى ينسترۋكتسيا تابىلدى, - دەلىنگەن قۇزىرلى ورگان مالىمدەمەسىندە.

The Long War Journal ينتەرنەت-پورتالى «حاليفات جاۋىنگەرلەرى» تەررورلىق ۇيىمىنىڭ اتىراۋدا بولعان جارىلىستاردى ءوز  موينىنا العانى تۋرالى مالىمدەمەنى جاريالادى. بۇعان دەيىن دە قازاقستان ۇكىمەتىن جارىلىستار جانە قۇربانداردارمەن قورقىتقان قورقاۋلاردىڭ ۇيىمى «بۇل جارىلىستار قورقىتۋ ەمەس، ناقتى ىسكە كوشكەنىمىزدى ەسكەرتۋ» دەپتى.

«ءبىز بيلىكتىڭ ولگەن ادام ءوزىن ءوزى جارىپ جىبەردى» دەگەن مالىمدەمەسىن جوققا شىعارامىز. بومبا وقىستان جارىلىپ كەتكەن. ءبىزدىڭ باۋىرىمىز شەيىت بولدى» دەلىنگەن مالىمدەمەدە.

تەررورشىلار ۇكىمەتكە جاڭا زاڭعا بايلانىستى ەسكەرتۋلەرىن ەسكەرمەسە مۇنان دا جامان بولاتىنىن ايتادى. «ازىرگە ءبىز ادام شىعىنسىز جارىلىستار جاسادىق، كوپ ادامنىڭ جاراقات الماۋىن، زارداپ شەكپەۋىن مۇقيات قاداعالادىق. بىراق ۇنەمى بۇلاي بولا بەرمەيدى» دەپتى ۇرەيلى سەس كورسەتىپ.

اتىراۋ وبلىستىق پروكۋراتۋراسى ءوزىن-ءوزى جارعان شەيىتتىڭ اتى-ءجونى انىقتالعاندىعىن راستاپ وتىر. ول 1987 جىلدىڭ 20 جەلتوقسانىندا تۋىلعان سۇلتانعاليەۆ باۋىرجان قاناتۇلى.

- ونىڭ ءمايىتىن تۋىسقاندارى تانىدى جانە ساۋساقتارىنىڭ ءىزى ارقىلى اجىراتىلدى. تۇرعان مەكەن-جايىن تەكسەرۋ كەزىندە قولدان جاسالعان جارىلعىش زات، جارىلعىش زات جاسايتىن كومپونەنتتەر، سونداي-اق، قولدان بومبا جاساپ، جيناقتاۋعا ارنالعان ارنايى ينسترۋكتسيا تابىلدى, - دەلىنگەن قۇزىرلى ورگان مالىمدەمەسىندە.

تابىلعان جارىلعىش زات دەرەۋ قاۋىپسىز جەرگە اپارىلىپ، جويىلعان. تەرگەۋ امالدارى جالعاسۋدا.

نۇرلان ەرىمبەتوۆ: "بيلىك قوعامنان ەشتەمە جاسىرماۋى ءتيىس"

- ەڭ باستىسى بيلىك ەلدە تەررورلىق جارىلىستار بولۋعا جەتكىزبەۋى كەرەك ەدى. قوعامدا بولىپ جاتقان قۇبىلىستارعا كوزىمىزدى كەڭ اشىپ قاراۋىمىز كەرەك. بۇل قىلىق قازاققا ءتان ەمەس. ءبىزدىڭ جايباراقاتتىعىمىزدى پايدالاناتىندار كوپ. ال قوعامدى بۇعان ارالاستىرماي، قوعاممەن بىرلەسپەي قۇقىق قورعاۋشىلار، بيلىك كۇرەستەن ناتيجە شىعارا المايدى. ول كۇرەس تەك قۇقىق قورعاۋ ورگاندارىنىڭ ءىسى ەمەس. ماسەلەنى كۇشپەن شەشۋ قيىن. مۇندايعا جەتكىزگەن كىم؟ قانداي جاعداي؟ بارلىعى انىقتالۋى كەرەك. بيلىك حالىقپەن بىرىگۋى كەرەك، حالىقتى الداماۋى، ەشتەمەنى جاسىرماۋى كەرەك. بۇل جارىلىستاردى «بىرەۋلەردىڭ بايقاماي ىستەگەنى ەكەن» نەمەسە «بالەن كەنشى ۇيىنە كەلە جاتقاندا كەن ورنىن جارۋعا ارنالعان بومباسى ىسكە قوسىلىپتى» دەگەندەي ەرتەگىلەرمەن ەلدى الداماۋى ءتيىس. بۇل ەرتەڭ قۇبىلىس بولىپ كەتۋى مۇمكىن. بيلىك مەنى، ءسىزدى، باسقالاردى تەررورمەن كۇرەسكە بىرىكتىرە الۋى كەرەك. بارلىق الەم وسىنداي جاعدايدا تۇر. بىزگە بىرلىك كەرەك.

 

ءۋاليحان قاليجان: "بيلىكتىڭ نەمقۇرايلىلىعىنان شوشيمىن"

- اتىراۋ وبلىسى اكىمىنىڭ ورىنباسارى اقپارات قۇرالدارىنا مالىمدەمە جاساعاندا ەشتەمە بولماعانداي، جايباراقات تۇردى. ايتەۋىر اكىمشىلىك امان، عيماراتتاردىڭ تەرەزەلەرى سىنعانى بولماسا ادام شىعىنى جوق، ەڭ باستىسى ادام ولگەن جوق دەپ قاراپ تۇر. بۇل ءبىزدىڭ كەمشىلىگىمىز، يدەولوگيالىق جۇمىستارىمىزدىڭ اقساپ جاتقانى، ەلدىڭ قاۋىپسىزدىگىن دۇرىس قامتاماسىز ەتە الماي جاتىرمىز دەمەيدى. سوندا بيلىك ءوز كەمشىلىگىن كورۋى ءۇشىن مىندەتتى تۇردە ادامدار ءولۋى كەرەك پە! مەن بيلىك وكىلدەرىنىڭ قارا باسىن عانا ويلاتىن نەمقۇرايلىلىعىنان قورقامىن. مۇنىڭ ارتى جاقسىلىققا اپارمايدى.

«اباي-اقپارات»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564