جۇما, 29 مامىر 2020
COVID-19 قازاقستاندا. جۇقتىرعاندار — 9932. جازىلعاندار — 4900. قايتىس بولعاندار — 37
46 - ءسوز 1482 2 پىكىر 6 مامىر, 2020 ساعات 13:21

جۇرەك ءتىرىلتۋ جايلى جالعىز ءسوز

عالىمداردىڭ ايتۋىنشا، 2012 جىلدىڭ 21 جەلتوقسانىنان بەرى جەر شارى گالاكتيكاداعى «قاراقۇردىمنىڭ» (چەرنايا دىرا) تارتىلىس شەڭبەرىندە كەلە جاتىر. ونىڭ الدىندا عالىمدار اراسىندا: «سول شەڭبەرگە كىرگەن سوڭ جەر پلانەتاسى كەز كەلگەن ۋاقىتتا ساعىزشا سوزىلىپ ءبىر-ەكى مۇينەت ىشىندە جوق بولىپ كەتۋى مۇمكىن» دەگەن ۇرەي بولدى. ارينە باعىمىزعا وراي ول قورقىنىش بۇگىندە ارتتا قالدى. سودان بەرى جەر بەتىنىڭ ءار تۇپكىرىندە اقىلعا قونبايتىن، ساناعا سىيمايتىن قۇپيا قۇبىلىستار بۇرىنعىدان بەتەر قابىنداپ كوبەيىپ كەتتى. سونىڭ ءبىرى – ۇلكەن تەمىرلەردى ءبىر-بىرىنە ۇيكەگەندەي ۇرەيلى دىبىستاردىڭ ءجيى-ءجيى ەستىلە باستاۋى. بۇل قۇپيانى دا ەشكىم ءالى ءدال ءتۇسىندىرىپ بەرىپ جاتقان جوق.

شىندىعىندا، مۇنىڭ بارلىق سىرى قاسيەتتى «كالام-شارىپتە» تۇر! بىراق شاكارىم قاجى ايتقان: «ءسويتىپ بۇزىپ، ءبۇلدىرىپ ەسىل ءدىندى، – ءدىن دەسە ەستى ازامات تۇرا قاشار» زاماندا مۇنداي اقيقاتتار ەرتەگى سياقتى ەستىلەدى. ونى اتەيست تە، كوسموپوليت تە، ءتىپتى، ءدىندارلار دا قابىلداي المايدى. الگى دىبىستاردى قۇراندا «ناقۋر ءۇنى» دەگەن. عۇلامالار ونداي قۇبىلىس 1-اقىرزاماندا بولادى دەپ جازىپ كەتكەن. وسى شىندىقتاردان شىعارىپ ايتايىن دەگەنىم – مىناۋ.

مەنىڭشە، ءاربىر ادام – گالاكتيكا! ول گالاكتيكادا ءبىر قۇپيا پلانەتا بار. ونىڭ اتى – جۇرەك. ەگەر اماناتقا قيانات جاساماي، جۇرەكتى قۇدايدىڭ مەكەنىنە اينالدىرا الساق، وندا ول ماياك قۇساپ ماڭگىلىك باقتىڭ ەلىنە جەتكىزەدى. ال ھانناس-لاعيننىڭ ەركىنە بەرىپ قويساق، ول بارلىق ساۋلەسىن توناتىپ، «قاراقۇردىمعا» اينالادى. بۇل – ادامنىڭ ءولىمى. ءتانىڭ ءتىرى بولۋى مۇمكىن، بىراق رۋحىڭ سونىك بولعاسىن، كۇللى جارىقتى جۇتىپ، جالماپ قوياتىن قۇبىجىقسىڭ.

وسى ءولىم تۋرالى ارداقتى پايعامبارىمىزدىڭ (سعس) نەمەرەسى حازىرەتى قۇسايىن بۇدان 1340 جىل بۇرىن بىلاي دەپ ايتىپ كەتىپتى: «ادامزاتتىڭ ءولىمى 3 نارسەدەن بولادى. ءبىرىنشىسى، تاكاپپارلىق. بۇل – ءدىننىڭ ءولۋى. سول ءۇشىن ءىبىلىس قارعىسقا ۇشىراعان. ەكىنشىسى، قاناعاتسىزدىق. بۇل – رۋحتىڭ جويىلۋى. سول ءۇشىن ادام اتا ءجانناتتان قۋىلدى. ءۇشىنشىسى، قىزعانىش. ول – اشۋ-ىزانىڭ نەگىزى. سول ءۇشىن قابىل ابىلدى ءولتىردى». مىنە، قازىرگى ادام بالاسىنىڭ جۇرەگىن وسى ءۇش كەساپات ىندەت جايلاپ العان. وسى «قاراقۇردىمنىڭ» تارتىلىس شەڭبەرىندە كەلە جاتقاندا ءبىزدىڭ بولاشاعىمىزدا – بايان، تىرشىلىگىمىزدە – بەرەكە، ومىرىمىزدە ءمان بار دەپ ايتا المايمىن.

باسقانى بىلمەيمىن، ءوزىم وسىناۋ قۇردىمنان ساۋ شىعۋدىڭ جالعىز جولى – قۇدايدىڭ راحمەت نۇرى سەبەلەگەن قاسيەتتى رامازان ايىنىڭ ءار تاڭسارىسىندە: «ەي، نۇرىڭنان رۋحىمدى ءبولىپ جان جاراتقان، اقىل-سانا، جۇرەك پەن مىي بەرگەن ەرەكشە مەيىرىمدى قۇل سۇيگىش اللا، تەزىرەك جابىرەيىل (عس) پەرىشتەڭدى جىبەرىپ: «جالعاندىقتىڭ كۇنى باتتى! اقيقاتتىڭ تاڭى اتتى!» دەپ 18 000 عالامعا جار شاشتىرا گور! عافىلەت كورپەسىن سەرپىپ، ءولىم ۇيقىسىنداعى ادامزاتتى وياتىپ، مەن قارا بەت قۇلىڭنىڭ ءولى جۇرەگىن تىرىلتە گور!» دەپ زار ەڭىرەپ دۇعا قىلۋ عانا دەگەن بايلامعا كەلدىم...

ايت-ماننىڭ الەۋمەتتىك جەلىدەگى جازباسى

Abai.kz

2 پىكىر