جۇما, 29 ناۋرىز 2024
46 - ءسوز 3812 4 پىكىر 5 مامىر, 2020 ساعات 11:43

بيلىككە قويار بەس تالاپ

قر پرەزيدەنتى ق.توقاەۆ، قر ۇكىمەتى جانە تۇركىستان وبلىسى اكىمى ءو.شوكەەۆتىڭ نازارىنا!

بيلىككە قويار بەس تالابىم بار:

1. شۇعىل تۇردە ماقتاارال اۋدانىندا قۇرىلىس بريگادالارى قۇرىلىپ، سۋ باسقان ۇيلەردى قالپىنا كەلتىرۋمەن سول بريگادالار اينالىسسىن.

2. تۇرعىن ۇيلەردى قالپىنا كەلتىرۋمەن اينالىساتىن بريگادالار وزگە جاقتان قۇرىلىسشى الىپ كەلۋشى بولماسىن. ەگىندەرىن سۋ باسىپ، سونىڭ سالدارىنان كۇنكورىسىنەن ايرىلعان تۇرعىندار قۇرىلىسقا جۇمىسقا الىنسىن. قۇرىلىسقا جۇمىلدىرىلعان تۇرعىندارمەن كەلىسىمشارت جاسالىپ،جالاقى زاڭدى تۇردە تولەنسىن. جانە جالاقىسىن ەڭ تومەنگى جالاقى 42500 تەڭگەگە تىرەپ قويماي،لايىقتى جالاقى تولەنسىن.

3.ارىس قالاسىنداعى سياقتى مۇندا دا ءار وبلىس قايتا قالپىنا كەلتىرۋمەن اينالىساتىن بولسا، وندا ولار جۇمىسشىنى جەرگىلىكتى تۇرعىنداردان السىن. ويتكەنى وزگە وڭىردەن كەلگەن جۇمىسشىلارعا جاتىن جاي،تاماققا قوسىمشا قاراجات كەتەدى.

جەرگىلىكتى تۇرعىنداردى جۇمىسقا الۋ ءبىر جاعىنان قارجىنى ۇنەمدەسە،ءبىر جاعىنان سۋ اپاتىنان زارداپ شەككەن تۇرعىندار ءۇشىن ۋاقىتشا بولسا دا كۇنكورىس كوزى بولادى.

4. ەڭ ءبىرىنشى كەزەكتە تۇرمىسى تومەن وتباسىلار مەن كوپبالالى وتباسىلاردىڭ ۇيلەرى مەن مۇلىكتەرى قالپىنا كەلتىرىلسىن.
20-30 گەكتارلاپ سۋارمالى جەرلەرى بار ازاماتتاردان بۇرىن 2-3 گەكتار سۋارمالى جەرى بار وتباسىلاردىڭ ەگىستىگىنە تولەم تولەنسىن.

5. ارىستاعىداي شۋ شىقپاۋ ءۇشىن، اۋىل تۇرعىندارىنىڭ بۇلىنگەن ءۇيى مەن مۇلكىن ساراپتايتىن كوميسسيا قۇرامىنا تەك بيلىك وكىلدەرى مەن سولاردىڭ توڭىرەگىندەگى قوعامدىق ۇيىمدار عانا كىرمەي، جەرگىلىكتى قوعام بەلسەندىلەرى دە قاتىستىرىلسىن.( بەلسەندىلەر ءتىزىمىن قۇرۋعا كومەك بەرە الامىن)

نۇرجامال رەمەتوۆانىڭ الەۋمەتتىك جەلىدەگى جازباسى

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564