جۇما, 27 قاراشا 2020
COVID-19 قازاقستاندا. جۇقتىرعاندار — 128400. جازىلعاندار — 114821. قايتىس بولعاندار — 1990
بيلىك 2082 4 پىكىر 4 مامىر, 2020 ساعات 12:43

داۋرەن اباەۆ قىزمەت اۋىستىردى

قر پرەزيدەنتىنىڭ جارلىعىمەن اقپارات جانە قوعامدىق دامۋ ءمينيسترى داۋرەن اباەۆ قىزمەتىنەن بوساتىلدى.

«مەملەكەت باسشىسىنىڭ جارلىعىمەن داۋرەن اسكەربەكۇلى اباەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى قىزمەتىنەن بوساتىلدى»،- دەلىنگەن اقوردا سايتىندا.

داۋرەن اسكەربەكۇلى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى. بۇل تۋرالى جارلىق اقوردا سايتىندا جاريالاندى.

وسىعان دەيىن بۇل قىزمەتتى ماۋلەن اشىمباەۆ اتقارىپ كەلگەن. ال بۇگىن ماۋلەن ساعاتحانۇلى سەنات دەپۋتاتى بولىپ تاعايىندالدى.

ايتا كەتەيىك، داۋرەن اباەۆ 2001 جىلدىڭ تامىزى مەن 2003 جىلدىڭ تامىزى ارالىعىندا قازاقستان رەسپۋبليكاسى سىرتقى ىستەر مينيسترلىگىنىڭ ورتالىق اپپاراتىندا جۇمىس ىستەدى.

- 2003 جىلدىڭ مامىرى مەن 2007 جىلدىڭ مامىرى ارالىعىندا قازاقستان رەسپۋبليكاسىنىڭ ازەربايجانداعى جانە نيدەرلاند كورولدىگىندەگى ەلشىلىكتەرىندە ديپلوماتيالىق قىزمەت اتقاردى.

- 2007 جىلدىڭ مامىرى مەن 2007 جىلدىڭ جەلتوقسانى ارالىعىندا - قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى ءبولىمىنىڭ باستىعى.

- 2007 جىلدىڭ جەلتوقسانى مەن 2008 جىلدىڭ جەلتوقسانى ارالىعىندا – قازاقستان رەسپۋبليكاسى پرەزيدەنتى پروتوكولىنىڭ باس ساراپشىسى، كونسۋلتانتى.

- 2008 جىلدىڭ جەلتوقسانى مەن 2009 جىلدىڭ قازانى ارالىعىندا - قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى.

- 2009 جىلدىڭ قازانىنان - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

- 2011 جىلدىڭ قازانىندا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ ءباسپاسوز حاتشىسى بولىپ تاعايىندالدى.

-  2011 جىلعى شىلدەدەن - قازاقستان رەسپۋبليكاسى پرەزيدەنتىنىڭ كەڭەسشىسى.

-  2016 جىلعى 6 مامىردان قازاقستان رەسپۋبليكاسى اقپارات جانە كوممۋنيكاتسيالار ءمينيسترى بولدى.

Abai.kz

4 پىكىر