جۇما, 29 ناۋرىز 2024
اۋىس-ءتۇيىس 5497 74 پىكىر 2 مامىر, 2020 ساعات 12:35

داريعا نازارباەۆانىڭ وكىلەتتىگى توقتاتىلدى

سەنات سپيكەرى داريعا نازارباەۆانىڭ وكىلەتتىگى توقتاتىلدى. بۇل تۋرالى اقوردا سايتى حابارلادى.

«مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى داريعا نۇرسۇلتانقىزى نازارباەۆانىڭ وكىلەتتىگى توقتاتىلدى»، - دەپ جازىلعان رەسمي حابارلامادا.

داريعا نازارباەۆانىڭ باسقا قىزمەتكە اۋىساتىنى نەمەسە قىزمەتىن قايتا جالعاستىراتىنى تۋرالى رەسمي اقپارات ءالى جاريالانعان جوق.

ول وسىعان دەيىن 2004-2007 جىلدارى ءماجىلىستىڭ III-شاقىرىلىمىندا دەپۋتات بولدى (اسار پارتياسى تىزىمىمەن وتكەن).

2007 جىلى تۇڭعىش پرەزيدەنت قورىنىڭ ديرەكتورى بولىل تاعايىندالدى.

2012 جىلدىڭ قاڭتارىنان باستاپ 2015 جىلعا دەيىن ءماجىلىستىڭ V-شاقىرىلىمىندا دەپۋتات بولدى (نۇر وتان پارتياسىنىڭ تىزىمىمەن وتكەن).

2014-2015 جىلدارى نۇر وتان فراكتسياسىنىڭ جەتەكشىسى، ءماجىلىس توراعاسىنىڭ ورىنباسارى بولعان.

2015-2016 جىلدارى قر پرەمەر-ءمينيسترىنىڭ ورىنباسارى لاۋازىمىنا دەيىن جەتتى.

2016 جىلى سەناتقا اۋىستى. ال 2019 جىلى سەنات توراعاسى قاسىم-جومارت توقاەۆ ەل تىزگىنىن ۇستاعاندا، كوپشىلىك ءبىراۋىزدان داريعا نۇرسۇلتانقىزىن تاڭداپ، سەنات سپيكەرى اتاندى.

سوڭعى ۋاقىتتا داريعا نازارباەۆانىڭ ەسىمى لوندونداعى «كۇدىكتى اقشاعا الىندى» دەگەن ءزاۋلىم سارايمەن بايلانىستى اتالا باستاعان. اعىلشىن اقپاراتى لوندون سوتى تاركىلەگەن ءزاۋلىم سارايلاردىڭ قوجايىنى - قازاقستان سەناتىنىڭ سپيكەرى مەن ونىڭ ۇلى ەكەنىن جازدى. كەيىنىرەك، داريعا نازارباەۆا مەن ونىڭ ۇلى سوتتا جەڭىپ شىققانى بەلگىلى بولدى.

Abai.kz

74 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2278
عيبىرات

قايسار رۋحتى عازيز جان

مۇحتار قۇل-مۇحاممەد 3596