سارسەنبى, 3 ماۋسىم 2020
COVID-19 قازاقستاندا. جۇقتىرعاندار — 11796. جازىلعاندار — 5996. قايتىس بولعاندار — 44
بيلىك 4116 6 پىكىر 1 مامىر, 2020 ساعات 14:13

قانداي نىساندار تج-دان كەيىن دە جابىق بولادى؟

پرەزيدەنت توتەنشە جاعدايدان كەيىن دە جابىق كۇيدە قالاتىن نىسانداردى اتادى،- دەپ حابارلايدى LS سايتى. 

توقاەۆتىڭ ايتۋىنشا، كارانتيندى جارتىلاي جەڭىلدەتۋ شارالارىن قابىلداۋ ادەتتەگى ءومىر سالتىنا قايتا ورالۋ ەمەس. سوندىقتان، تج-دان كەيىن دە كوپشىلىك جينالاتىن بىرقاتار ورىندار جۇمىس ىستەمەيدى.

«ساۋدا-ويىن-ساۋىق ورتالىقتارى، كينوتەاترلار، مەيرامحانالار، ساياباقتار جانە باسقا دا كوپشىلىك جينالاتىن ورىندار جابىق بولادى. سونداي-اق، ۋنيۆەرسيتەتتەردە، كوللەدجدەر مەن مەكتەپتەردە قاشىقتان وقىتۋ جۇيەسى قالادى»، - دەدى مەملەكەت باسشىسى.

بۇعان دەيىن توقاەۆ 11 مامىردا جاڭا توتەنشە جاعداي تۋىنداماسا، قازاقستاندا توتەنشە جاعداي اياقتالادى دەپ مالىمدەگەن بولاتىن.

ايتا كەتەيىك، قازاقستاندا 12 ناۋرىزدا ساۋدا-ويىن-ساۋىق ورتالىقتارى مەن كينوتەاترلاردى ۋاقىتشا جابىلعان بولاتىن. ال،13 - ناۋرىزدان باستاپ كوپشىلىك جينالاتىن شارالاردى وتكىزۋگە تىيىم سالىندى.

Abai.kz

6 پىكىر