جۇما, 29 ناۋرىز 2024
دەپ جاتىر 3699 3 پىكىر 1 مامىر, 2020 ساعات 14:12

Covid-پەن كۇرەس. قازاقستان 51-ورىندا!

رۋسلان پريانيكوۆتىڭ سۋرەتى

قازاقستان بۇۇ-نىڭ كوروناۆيرۋسپەن كۇرەسۋگە قاۋقارلى نەمەسە دايىندىق رەيتينگىندە 51-ورىن الدى. 189 مەملەكەتتىڭ دايىندىعى ساراپتالعان بۇل زەرتتەۋدە رەسەي 49-ورىندا، بەلارۋسسيا 50-ورىندا كورىنەدى.

بۇۇ زەرتتەۋىنە سايكەس، پاندەميامەن كۇرەسكە ەڭ كوپ دايىندالعان مەملەكەتتتەر ىشىندە نورۆەگيا ءبىرىنشى ورىندا تۇر. ءارى قاراي، شۆەيتساريا، يرلانديا، گەرمانيا جانە قىتاي (گونكونگ) ورنالاسقان. العاشقى وندىققا اۆستراليا، يسلانديا، شۆەتسيا، سينگاپۋر جانە نيدەرلاندى كىرىپتى.

اقش 16-ورىندا. بەلگيا، ليحتەنشتەين، جاپونيا جانە اۆستريا جيىرمالىقتى تۇيىندەيدى.

ال ىندەتپەن كۇرەسكە دايىندىعى ەڭ ناشار مەملەكەتتەر: چاد (187-ءشى), وار (188-ءشى) جانە نيگەريا (189-شى) ەكەن.

بۇۇ جاساعان بۇل رەيتينگ مەملەكەتتەردىڭ دامۋ دەڭگەيى، دەنساۋلىق ساقتاۋ جاعدايى جانە ينتەرنەتكە قول جەتىمدىلىك كورسەتكىشتەرى بويىنشا قۇراستىرىلعان كورىنەدى.

ايتا كەتەيىك، بۇگىندە COVID-19 پاندەمياسىن الەم بويىنشا 3 ميلليون 300 مىڭنان استام ادام جۇقتىرعان. ىندەت ەڭ كوپ تاراعان ەلدەر: اقش (1 095 210 ادام), يسپانيا (239 639 ادام), يتاليا (205 463 ادام), ۇلىبريتانيا (171 253 ادام), فرانتسيا (167 178 ادام).

ال، قازاقستاندا سوڭعى مالىمەت بويىنشا ىندەتتىلەر سانى 3504-كە جەتكەن. 866 ادام جازىلىپ شىعىپ، 25 ادام قايتىس بولدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607