جۇما, 29 ناۋرىز 2024
بيلىك 3920 3 پىكىر 21 ءساۋىر, 2020 ساعات 21:07

پرەزيدەنت كەلەسى اپتادا كوروناۆيرۋسقا بايلانىستى ۇندەۋ جاريالايدى

پرەزيدەنت كوروناۆيرۋس جاعدايىنا قاتىستى كەزەكتى تەلەۆيزيالىق ۇندەۋ جاريالايدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي مالىمدەدى. 

«سوڭعى كەزدەرى قازاقستان پرەزيدەنتىنىڭ جۇمىس كەستەسى مەيلىنشە وزگەرگەنى جاسىرىن ەمەس. ەلىمىزدە توتەنشە جاعداي ەنگىزىلدى، وسىعان بايلانىستى قاسىم-جومارت كەمەلۇلىنىڭ جۇمىس كەستەسى دە توتەنشە جاعداي رەجيمىنە كوشتى. پرەزيدەنتكە كەلەتىن شۇعىل ءارى ساراپتامالىق اقپاراتتاردىڭ سانى كۇرت ءوستى. ال بۇعان دەر كەزىندە جاۋاپ بەرىپ، شارا قولدانۋ كەرەك. مەملەكەت باسشىسى جاڭارتىلعان فورماتتا جۇمىس ىستەپ جاتىر. بۇگىندە كوپتەگەن جيىندار مەن كەزدەسۋلەر ۆيدەو بايلانىس ارقىلى وتكىزىلۋدە. كوروناۆيرۋسقا قارسى كۇرەس – كۇن تارتىبىندە قاراستىرىلاتىن نەگىزگى ماسەلە.

قاسىم-جومارت كەمەلۇلى كۇن سايىن ۇكىمەتتىڭ، توتەنشە جاعداي جونىندەگى مەملەكەتتىك كوميسسيا مۇشەلەرىنىڭ، ءوڭىر باسشىلارىنىڭ ەسەپتەرىن تىڭدايدى. جاقىندا عانا پرەزيدەنت بارلىق وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىنە تەلەفون شالىپ، شاعىن جانە ورتا بيزنەستى قولداۋعا، حالىقتى الەۋمەتتىك قورعاۋعا، كوكتەمگى ەگىس ناۋقانىنا جانە سۋ تاسقىنىنا قارسى جۇمىستارعا بايلانىستى ناقتى تاپسىرما بەردى»،- دەپ جازدى بەرىك ءۋالي.

ەلىمىزدەگى جانە الەمدەگى ەپيدەميولوگيالىق احۋال ۇنەمى وزگەرۋدە. جۋىردا تۇسكەن اقپاراتتار نەگىزىندە توتەنشە جاعداي رەجيمىنىڭ جانە كارانتين شارالارىنىڭ ۇزارتىلۋىنا قاتىستى ءتيىستى شەشىم قابىلداناتىن بولادى.

وسى رەتتە مەملەكەت باسشىسى داعدارىسقا قارسى مەنەدجمەنتتەن بولەك، ستراتەگيالىق جوسپارلاۋعا دا ءمان بەرىپ وتىرعانىن ەستە ۇستاۋىمىز كەرەك. ەرتە مە، كەش پە، توتەنشە جاعداي بىتەدى. سودان كەيىن الدىمىزدان ەكونوميكانىڭ قۇرىلىمىن قايتا قاراۋ مىندەتى شىعادى. سوندىقتان الدىمىزعا ورتا جانە ۇزاق مەرزىمگە ارنالعان جاڭا ماقساتتار قويۋ كەرەك. پرەزيدەنت كوپتەگەن باعدارلامالار مەن تۇجىرىمدامالاردى جاڭارتۋ قاجەتتىگىن ايتتى. مۇناي باعاسىنىڭ بىردەن قۇلدىراۋى ەكونوميكا مەن قارجى سەكتورىنا رەفورما جۇرگىزىپ، يندۋستريالاندىرۋ مەن تسيفرلاندىرۋدى ناقتى جۇزەگە اسىرۋ كەرەك ەكەنىن كورسەتىپ وتىر. دەنساۋلىق ساقتاۋ جانە ءبىلىم سالالارىن دا ۇلكەن وزگەرىس كۇتىپ تۇر. مەملەكەت باسشىسى جاڭا تالاپتارعا جاۋاپ بەرەتىن ستراتەگيالىق شەشىمدەر ازىرلەۋدى تاپسىردى.

حالىقارالىق بايلانىستارعا كەلەتىن بولساق، قازىرگى ۋاقىتتا بۇل ماسەلە نەگىزىنەن تەلەفون ارقىلى نەمەسە ۆيدەو كونفەرەنتسيا فورماتىندا ءجۇرىپ جاتىر. اتاپ ايتقاندا، جۋىردا ەۋرازيالىق ەكونوميكالىق وداق پەن تۇركى تىلدەس مەملەكەتتەرى ىنتىماقتاستىق كەڭەسىنىڭ سامميتتەرى ونلاين رەجيمدە وتكىزىلدى. نەگىزگى سەرىكتەستەرىمىزبەن جانە كورشىلەس ەلدەرمەن جەدەل اقپارات الماسۋ اسا ماڭىزدى. ءبىر ايدىڭ ىشىندە قاسىم-جومارت كەمەلۇلى رەسەي، قىتاي، وزبەكستان، قىرعىزستان، تاجىكستان، يزرايل مەملەكەتتەرىنىڭ پرەزيدەنتتەرىمەن، بۇۇ جانە ەۋروپالىق وداقتىڭ باسشىلارىمەن، اقش-تىڭ مەملەكەتتىك حاتشىسىمەن تەلەفون ارقىلى سويلەستى. اتالعان كەلىسسوزدەر ازاماتتارىمىزدى شەت ەلدەردەن الىپ كەلۋگە، ءوزارا گۋمانيتارلىق قولداۋعا، ۇزدىكسىز كولىك قاتىناستارىن قامتاماسىز ەتۋگە، ازىق-تۇلىك پەن مەديتسينالىق قۇرال-جابدىقتاردى جەتكىزۋگە بايلانىستى بىرقاتار ماڭىزدى ماسەلەلەردى شۇعىل ءارى ەشقانداي بيۋروكراتيالىق كەدەرگىلەرسىز شەشۋگە مۇمكىندىك بەردى.

مەملەكەت باسشىسى ازاماتتارىمىزدىڭ دەنساۋلىعىن ساقتاۋ مەن قاۋىپسىزدىگىن قامتاماسىز ەتۋدى ەڭ باستى مىندەت سانايدى. ول بارلىق وتانداستارىمىزدى توتەنشە جاعداي رەجيمىنىڭ تالاپتارىن ساقتاۋعا شاقىرادى. جاقىندارىمىزدىڭ دەنساۋلىعى ءۇشىن سابىر ساقتاپ، جاۋاپكەرشىلىكتى سەزىنۋىمىز كەرەك. قاسىم-جومارت كەمەلۇلىنىڭ ايتۋىنشا، "حالىقسىز ەكونوميكا بولمايدى". سوندىقتان ەشكىم دە مەملەكەتتىڭ نازارىنان تىس قالمايدى. پرەزيدەنتتىڭ تىكەلەي تاپسىرماسى بويىنشا ازاماتتارعا قولداۋ كورسەتۋ ءۇشىن بيۋدجەتتەن جانە ۇلتتىق قوردان قاراجات بولىنۋدە. مەملەكەت باسشىسى وسى ايتىلعان ماسەلەلەردىڭ وڭ شەشىلۋىن ۇنەمى باقىلاۋدا ۇستاپ وتىر.

سونىمەن قاتار كەلەسى اپتادا پرەزيدەنت ەلىمىزدەگى كوروناۆيرۋس جاعدايىنا قاتىستى كەزەكتى تەلەۆيزيالىق ۇندەۋىن جاريالايدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565