قازاقستاندا كوروناۆيرۋستان 64 جاستاعى ايەل قايتىس بولدى، - دەپ حابارلايدى قر دەنساۋلىق ساقتاۋ مينيسترلىگى. 

الماتى قالاسى قوعامدىق دەنساۋلىق ساقتاۋ باسقارماسىسىنىڭ باسشىسى تىلەۋحان ابىلداەۆتىڭ ايتۋىنشا، قايتىس بولعان ايەلدىڭ باسقا دا سوزىلمالى اۋرۋلارى بولعان.

پاتسيەنت بايلانىستا بولعاندار قاتارىنان، ونىڭ وڭ تالداۋى 16 ناۋرىزدا انىقتالدى. قوسىمشا اۋرۋلارى بولۋىنا بايلانىستى ول 18 ناۋرىزدا رەانيماتسيا جانە قارقىندى تەراپيا بولىمشەسىنە ورنالاستىرىلدى.

ناۋقاس، اتاپ ايتقاندا، وكپەنىڭ سوزىلمالى وبسترۋكتيۆتى اۋرۋلارىمەن، جۇرەكتىڭ سوزىلمالى جەتكىلىكسىزدىگى مەن جۇرەكتىڭ يشەميالىق اۋرۋلارىمەن، ستەنوكارديا، ارتەريالىق گيپەرتەنزيا دەرتىمەن اۋىراتىن.

«جۇرگىزىلگەن قارقىندى تەراپياعا قاراماستان جاعداي پوليورگاندىق جەتكىلىكسىزدىكتىڭ – تىنىس الۋ، جۇرەك-قان تامىرلارىنىڭ دامۋىنا بايلانىستى پروگرەسسيۆتى تۇردە ناشارلادى. 9 ساۋىردە قوسىمشا اۋرۋلارىنىڭ ۇدەۋى اياسىندا ساعات 23.20-دا قان اينالىمى توقتادى. 30 مينۋت ىشىندە جۇرگىزىلگەن رەانيماتسيالىق ءىس-شارالار ءساتسىز بولىپ، ساعات 23.50-دە قايتىس بولعانى انىقتالدى. نەگىزگى دياگنوزى: COVID-19 كوروناۆيرۋستىق ينفەكتسياسى، راستالعان جاعداي. ەكى جاقتى پوليسەگمەنتتى پنەۆمونيا، اۋىر اعىمى. ەكى جاقتى پلەۆريت. وكپەنىڭ ءىسىنۋى، لايەللا سيندرومى»,-دەدى تىلەۋحان ابىلداەۆ.

سوڭعى مالىمەت بويىنشا، ەلىمىزدە كوروناۆيرۋس جۇقتىرعاندار سانى 802-گە جەتكەن. نۇر-سۇلتان قالاسى – 226, الماتى قالاسى – 122, شىمكەنت قالاسى – 31, اقمولا وبلىسى – 61, اقتوبە وبلىسى – 11, الماتى وبلىسى – 10, اتىراۋ وبلىسى – 45, شىعىس قازاقستان وبلىسى – 6, جامبىل وبلىسى – 45, باتىس قازاقستان وبلىسى – 6, قاراعاندى وبلىسى – 61, قوستاناي وبلىسى – 3, قىزىلوردا وبلىسى – 104, ماڭعىستاۋ وبلىسى – 9, پاۆلودار وبلىسى – 3, سولتۇستىك قازاقستان وبلىسى – 25, تۇركىستان وبلىسى – 34.

سونىمەن قاتار، اتالعان ىندەتتەن 60 ادام جازىلىپ شىققان. 9 ادام قايتىس بولدى.

Abai.kz