جۇما, 29 ناۋرىز 2024
2942 0 پىكىر 10 ءساۋىر, 2020 ساعات 11:16

بوريس دجونسون ينتەنسيۆتى تەراپيا پالاتاسىنان اۋىستىرىلدى

ۇلىبريتانيا پرەمەر-ءمينيسترى بوريس دجونسون لوندونداعى اۋليە فوما اۋرۋحاناسىنىڭ ينتەنسيۆتى تەراپيا پالاتاسىنان قاراپايىم پالاتاعا اۋىستىرىلدى. وعان كوروناۆيرۋس جۇقتىردى دەگەن دياگنوز قويىلعان.

دجونسوننىڭ جاعدايى جاقسارعانىن بريتان اقپارات قۇرالدارى پرەمەر كەڭسەسىنە سىلتەمە جاساپ حابارلادى.

داۋنينگ-ستريت، 10-داعى كەڭسە تاراتقان حابارلامادا پرەمەردىڭ "كوڭىل-كۇيى كوتەرىڭدى" دەلىنگەن. بۇعان دەيىنگى رەسمي اقپاراتتاردا كەڭسە پرەمەردىڭ جاعدايىن "جاقسى" دەپ قانا سيپاتتاعان ەدى. ەندى دجونسون اۋرۋدان ايىعىپ كەلە جاتقانى تۋرالى ايتىلا باستادى.

پرەمەر كوروناۆيرۋس جۇقتىرعانىن 27 ناۋرىزدا جاريالاعان ەدى. جەكسەنبى، 6 ساۋىردە ونى اۋرۋحاناعا جاتقىزدى، ال ەرتەسىنە ينتەنسيۆتى تەراپيا پالاتاسىنا اۋىستىردى. دجونسون سىرتقى ىستەر ءمينيسترى دومينيك راابتان قىزمەتىن ۋاقىتشا اتقارا تۇرۋىن رەسمي تۇردە سۇرادى. پرەمەر-ءمينيستردىڭ تىنىستاۋى قيىنداپ، وعان وتتەگى بەرىلىپ جاتقانى تۋرالى حابارلاندى. دەگەنمەن دجونسوننىڭ جاساندى تىنىس الۋ اپپاراتىنا قوسىلماعانى ەسكەرتىلدى.

دجونسون ينتەنسيۆتى تەراپيا پالاتاسىندا ءۇش كۇن ەمدەلدى. سارسەنبى كۇنى ونىڭ جاعدايى جاقسارعانى ايتىلدى.

دجونسون كوروناۆيرۋس جۇقتىرماستان بۇرىن، بىراق بىرقاتار ەلدەن ءسال كەشىرەك، بريتان ۇكىمەتى جالپىۇلتتىق كارانتين جاريالاعان. بەيسەنبى كۇنى كارانين كەم دەگەندە 19 ساۋىرگە دەيىن ۇزارتىلعانى ءمالىم بولدى. ەلدە كوروناۆيرۋستان ءبىر تاۋلىكتە قازا بولعاندار سانى ءوسىپ بارادى. بەيسەنبى كۇنى عانا 881 ادام جۇقپالى ىندەتتەن كوز جۇمعان. ال پاندەميا باستالعالى بەرى قازا بولعاندار 8 مىڭعا جۋىقتادى. ۇلىبريتانيادا وسى ۋاقىتقا دەيىن شامامەن 65 مىڭ ادام كوروناۆيرۋس جۇقتىرعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544