جۇما, 29 ناۋرىز 2024
تالقى 8113 7 پىكىر 10 ءساۋىر, 2020 ساعات 11:09

«قازاقستاندا كەدەيلەر كوبەيەدى»

قازاقستاننىڭ جالپى ىشكى ءونىمى قىسقارىپ، ەلدەگى كەدەيشىلىك دەڭگەيى ارتادى. بۇل تۋرالى دۇنيەجۇزىلىك بانكتىڭ COVID-19 پاندەمياسىنا ارنالعان ەسەبىندە ايتىلدى. 

9-ءساۋىر كۇنى جاريالانعان دۇنيەجۇزىلىك بانك ەسەبىندە قازاقستان ەكونوميكاسى ءوسىمىنىڭ تەجەلۋى مۇمكىن دەپ مالىمدەگەن. ناقتىراق ايتساق، الداعى ۋاقىتتا قازاقستاننىڭ جالپى ىشكى ءونىمى 0,8 پايىز قىسقارۋى ىقتيمال.

ونىڭ سەبەبى - مۇناي جانە ونەركاسىپ تاۋارلارىنا سىرتقى سۇرانىستىڭ تومەندەۋى مەن COVID-19  پاندەمياسىن تەجەۋ جونىندەگى شارالار، تۇتىنۋ سۇرانىسى مەن ينۆەستيتسيانىڭ ازايۋى بولىپ وتىر.

«پاندەميانىڭ كەرى اسەرى مەن جاھاندىق ەكونوميكالىق رەتسەسسيا ەلدەگى ونسىز دا ءالسىز ەكونوميكالىق ءوسىمدى تەجەمەي قويمايدى»، - دەپ ەسەپتەيدى دب.

بانك بولجامى بويىنشا، كوروناۆيرۋس ايماقتارعا تارالىپ، سىرتقى ەكونوميكالىق ورتا بۇرىنعىدان بەتەر قۇلدىراسا، وندا قازاقستاننىڭ جالپى ىشكى ءونىمى 2020 جىلى 3 پايىزعا قىسقارۋى مۇمكىن. بۇل ءوز كەزەگىندە ەلدەگى كەدەيشىلىك دەڭگەيىن ودان سايىن ارتتىرادى. ال، قازاقستانداعى ەكى ءىرى مەگاپوليس - استانا مەن الماتىداعى كارانتيننىڭ ۇزاققا سوزىلۋى - ەلدىڭ ەكونوميكاسىن تۇرالاتادى. سەبەبى، بۇل ەكى قالا مەملەكەتتىڭ جالپى ىشكى ءونىمىنىڭ ۇشتەن ءبىر بولىگىنەن استامىن بەرەدى.

دۇنيەجۇزىلىك بانك ەسەبىندە قازاقستان بيلىگى ۇلتتىق قوردى قالاي پايدالاناتىنىن اشىپ ايتپادى، دەلىنگەن. الايدا، مەملەكەت قازىناسىنا سالىق كەم تۇسكەن جاعدايدا، بيلىك قوسىمشا رەسۋرستاردى پايدالانۋى مۇمكىن. ال، جۋىردا ەكس-پرەزيدەنت نۇرسۇلتان نازارباەۆ رەسپۋبليكالىق باسىلىمداردا جاريالانعان ماقالاسىندا ۇلتتىق قوردا 90 ميلليارد دوللار بار ەكەنىن ايتتى.

«بىزدە وسىنداي قيىندىق تۋعاندا ەشكىمگە الاقان جايماۋ ءۇشىن، ۇرپاق قامى، ەل بولاشاعى ءۇشىن جيناقتالعان ۇلتتىق قور مەن التىن-ۆاليۋتا قورىندا 90 ميلليارد اقش دوللارى بار. رەتىمەن، ۇنەمدى پايدالانار بولساق، ول بۇگىن باسىمىزعا تۇسكەن تاعدىر مەن تاريح سىنىنان ەڭسەمىزدى تىك ۇستاپ وتۋىمىزگە مول مۇمكىندىك بەرەدى»، - دەدى نازارباەۆ.

الايدا، دۇنيەجۇزىلىك بانك ماماندارى بيۋدجەتتى سىرتتان قارىز الۋ نەمەسە ۇلتتىق قوردان قوسىمشا قارجى اۋدارۋ ارقىلى تولىقتىرۋى مۇمكىن ەكەنىن ايتىپتى.

ەستەرىڭىزدە بولسا، 2-ءساۋىر كۇنى قارجى ۆيتسە-ءمينيسترى بەرىك شولپانقۇلوۆ قازاقستان سىرتقى نارىقتاردان شامامەن 3 ميلليارد دوللار قارىز الاتىنىن مالىمدەدى. 

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553