جۇما, 27 قاراشا 2020
COVID-19 قازاقستاندا. جۇقتىرعاندار — 129213. جازىلعاندار — 115384. قايتىس بولعاندار — 1990
952 2 پىكىر 9 ءساۋىر, 2020 ساعات 11:09

بەرني ساندەرس اقش پرەزيدەنتتىگىنە ۇمىتكەرلەر جارىسىنان شىعىپ قالدى

اقش سەناتورى بەرني ساندەرس بيىل وتەتىن پرەزيدەنت سايلاۋىنا دەموكراتيالىق پارتيا اتىنان ءوزىنىڭ كانديداتۋراسىن ۇسىنۋدى توقتاتتى.

ساندەرستىڭ جارىستان شىعۋى اقش-تىڭ بۇرىنعى ۆيتسە-پرەزيدەنتى دجو بايدەنگە دەموكراتيالىق پارتيا اتىنان ۇمىتكەر بولىپ، دونالد ترامپقا باسەكە تۋعىزۋىنا جول اشادى. بايدەن تاياۋدا عانا يللينويس، اريزونا جانە فلوريدا شتاتتارىندا وتكەن پرايمەريزدە ساندەرستى باسىپ وزعان.

كوروناۆيرۋس پاندەمياسى تۇسىندا پرەزيدەنتتىكتەن ۇمىتكەرلەر سايلاۋشىلارمەن كەزدەسۋدى توقتاتتى.

دەموكراتيالىق پارتيا اتىنان پرەزيدەنتتىكتەن ۇمىتكەر بولۋ ءۇشىن پارتيا سەزىندە قاتىساتىن 3979 دەلەگاتتىڭ كەمىندە 1991 داۋىسىن الۋى قاجەت. پارتيا جيىنى شىلدە ايىنىڭ ورتاسىندا وتەدى دەپ جوسپارلانعان. 7 ساۋىردەگى كورسەتكىش بويىنشا بايدەندى ازىرگە داۋىس بەرۋشىلەردىڭ 1217-ءى قولداپ وتىر. ساندەرستە 914 داۋىس بولعان.

قازىرگى پرەزيدەنت دونالد ترامپ سوڭعى پرايمەريز قورىتىندىسى بويىنشا 1301 داۋىس جينادى. ترامپقا تاعى سايلاۋعا ءتۇسۋى ءۇشىن 2441-تەن 1276 داۋىس الۋى قاجەت.

اقش-تا كەزەكتى پرەزيدەنت سايلاۋى بيىل 3 قاراشادا وتەدى.

Abai.kz

2 پىكىر