قازاقستاندا 120 مەديتسينا قىزمەتكەرى كوروناۆيرۋس جۇقتىرىپتى. بۇل ەلدەگى جالپى ۆيرۋس جۇقتىرعان 629 ادامنىڭ 19%-ءى. بۇل كوپ پە، الدە از با؟

سالىستىرۋ ءۇشىن قارايتىن بولساق، كوروناۆيرۋستان ەڭ كوپ زارداپ شەگىپ جاتقان ەلدەردىڭ ءبىرى يتاليادا بۇل كورسەتكىش 9%، يسپانيادا 14%، گەرمانيادا شامامەن 2,3%، ال قىتايدا 4%. بۇل مەملەكەتتەردە ۆيرۋس جۇقتىرعان جالپى ادام سانى قازاقستانمەن سالىستىرعاندا وتە كوپ بولعانىمەن ناۋقاستاردىڭ قاتارىندا مەدقىزمەتكەرلەردىڭ قاراسى از.

ەۋروپادا رۋمىنياداعى جاعداي قازاقستاننىڭ جاعدايىنا ۇقساس ەكەن. رۋمىنيادا 1029 COVID-19 جۇقتىرعان ناۋقاستىڭ 153-ءى مەدپەرسونال نەمەسە شامامەن 15%-ءى. ياعني، ۆيرۋس جۇقتىرعان ادامداردىڭ سانى از بولعانمەن ولاردىڭ قاتارىندا دارىگەرلەردىڭ قاراسى كوبىرەك. ال قازاقستاندا بۇل كورسەتكىش 19%.