جۇما, 29 ناۋرىز 2024
ەل ءىشى... 4778 16 پىكىر 4 ءساۋىر, 2020 ساعات 15:42

ەلباسىنىڭ جاعدايىن اكىمدەردەن سۇرايمىز

ەلىمىزدىڭ بۇرىنعى پرەزيدەنتى نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي رەسمي مالىمدەمە جاساپ، ول كىسىنىڭ دەنساۋلىق جاعدايىنا قاتىستى ەل ىشىندە تارعانا قاۋەسەتتى جوققا شىعاردى. بۇل تۋرالى وتاندىق باسىلىمدار حابارلادى. 

ونىڭ ايتۋىنشا، نازارباەۆ كەشە عانا قالا، وبلىس باسشىلارىمەن تەلەفون ارقىلى سويلەسىپ، توتەنشە جاعداي كەزىندە ازاماتتاردىڭ قاۋىپسىزدىگىن قامتاماسىز ەتۋ جايىن اقىلداسقان.

«كەشە قاۋىپسىزدىك كەڭەسىنىڭ توراعاسى نۇرسۇلتان نازارباەۆ بىرقاتار ءوڭىر اكىمدەرىمەن تەلەفون ارقىلى سويلەستى. وسى ورايدا ءبىرىنشى كەزەكتە، توتەنشە جاعداي كەزىندە حالىقتىڭ قاۋىپسىزدىگىن قامتاماسىز ەتۋدىڭ وزەكتى ماسەلەلەرىنىڭ تالقىلانۋى قالىپتى جاعداي.

قاتاڭ كارانتيندىك تالاپتار اياسىندا ەلباسىنىڭ جۇمىس كابينەتىنە كىرۋ تۇرعىسىندا دا شەكتەۋ بار ەكەنىن ءتۇسىنۋ كەرەك. الايدا شەكتەۋگە قاراماستان، ءباسپاسوز قىزمەتى تۇڭعىش پرەزيدەنتتىڭ قىزمەتى تۋرالى حالىقتى دەر كەزىندە اقپاراتتاندىرۋعا تىرىسۋدا.

ءبىز ەشقاشان قاۋەسەتتەرگە تۇسىنىكتەمە بەرمەيمىز. الايدا سوڭعى ۋاقىتتا جەكەلەگەن تۇلعالار ەلدەگى جاعدايدى تۇراقسىزداندىرۋ بويىنشا، سونىڭ ىشىندە ەلباسىنىڭ دەنساۋلىعىنا قاتىستى جالعان دەرەكتەردى تاراتۋ ارقىلى بەلسەندى ارەكەت جاساپ جاتىر. مۇنىڭ ءبارى ارانداتۋشىلىق جانە وتىرىك.

نۇرسۇلتان نازارباەۆتىڭ دەنساۋلىعى جاقسى ەكەنىنە سەندىرگىم كەلەدى، ول كارانتين جاعدايىندا دا وتان يگىلىگى ءۇشىن جۇمىسىن جالعاستىرا بەرەدى. ال كىمدە-كىم كۇماندانسا، وندا كەشە ەلباسى سويلەسكەن كەز كەلگەن اكىمنەن بۇل تۋرالى سۇراۋعا بولادى.

ەنگىزىلگەن شەكتەۋلەردىڭ بارلىعى توقتاعان كەزدە، تۇڭعىش پرەزيدەنتتىڭ قاتىسۋىمەن وتكەن جۇمىس كەزدەسۋلەرى نەمەسە كەڭەستەردەن ۆيدەوجازبانى جەكە ءوزىم جاساۋعا ۋادە ەتەمىن»، - دەدى ايدوس ۇكىباي.

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590