"كوروناۆيرۋس داعدارىسى كەزىندە اقش قازاقستان ۇكىمەتىمەن ارىپتەستىكتى نىعايتىپ جاتىر. قازاقستاننىڭ ۆيرۋستىڭ جايىلۋىن توقتاتۋ ماقساتىندا جاساعان جىلدام ءارى سەنىمدى قادامدارىن جوعارى باعالايمىز. وسىنداي كۇردەلى كەزەڭدە اشىقتىقتى قولدايمىز، سەبەبى اقپاراتپەن ەركىن الماسۋ ىندەتتى جەڭىپ، الداعى ۋاقىتتا دەنساۋلىققا توندىرەتىن كەز كەلگەن قاتەرگە تۇراقتى تۇردە قارسى تۇرۋ ءۇشىن وتە ماڭىزدى" دەدى اقش-تىڭ قازاقستانداعى ەلشىسى ۋيليام موزەر.

ۇيىم قازاقستان دەنساۋلىق ساقتاۋ مينيسترلىگى، دۇنيەجۇزىلىك دەنساۋلىق ساقتاۋ ۇيىمى مەن اۋرۋدى باقىلاۋ جانە الدىن الۋ ورتالىعىمەن بىرلەسە وتىرىپ، قولداۋدى قاجەت ەتەتىن باسىمدىق بەرەتىن سالالاردى انىقتاعان. ولاردىڭ قاتارىندا ءىرى كولەمدە تەست وتكىزۋگە مۇمكىندىك بەرەتىن لابوراتوريالار جۇيەسىن دايىنداۋ، مەديتسينالىق مەكەمەلەردە ينفەكتسيانىڭ تارالۋىنا جول بەرمەۋ جانە باقىلاۋ، كوروناۆيرۋس جاعدايىن قاداعالاۋدى باقىلاۋ، ۆيرۋس تۋرالى جالعان اقپاراتپەن كۇرەسۋ، ۆيرۋسپەن كۇرەسكە قاۋىمداستىقتاردى تارتۋ سياقتى ماسەلەلەر بار.

سوڭعى دەرەك بويىنشا، قازاقستاندا 423 ادامنان كوروناۆيرۋس تابىلعان. قازاقستاندا العاش رەت 13 ناۋرىزدا ۆيرۋس جۇققان ادامدار انىقتالعان. سول ۋاقىتتان بەرى ءۇش ادام كوز جۇمدى. 27 ادام جازىلىپ شىقتى. ەلدە توتەنشە جاعداي جاريالانىپ، بىرنەشە قالا مەن وبلىس، اۋدان كارانتين رەجيمىنە كوشتى.

Abai.kz