دۇيسەنبى, 1 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
46 - ءسوز 1527 2 پىكىر 4 ءساۋىر, 2020 ساعات 13:15

كوروناۆيرۋسپەن كۇرەس: گەرمانيا&قازاقستان

قاراپ جاتپاي نەمىس پەن قازاقتىڭ كوروناۆيرۋسپەن قالاي كۇرەسىپ جاتقانىن عالامتورداعى جاريالانىمدار ارقىلى سالىستىرىپ كوردىم.

گەرمانيا. اناسىنىڭ توقسان جاسقا تولعان تۋعان كۇنىنە سىيلىعىن كوتەرىپ كەلگەن جالعىز قىزى ەسىكتىڭ قوڭىراۋىن باسادى. ەسىكتىڭ ار جاعىنان اناسى قىزىنا راحمەت ايتىپ، ۇيىنە كىرگىزبەي شىعارىپ سالادى.

قازاقستان. ۇيگە كەلىن ءتۇستى. تۋعان-تۋىس، كورشى-قولاڭ جينالىپ، كوڭىل كوتەرىپ جاتىر. ءبىرىن ءبىرى قۇشاقتاپ، تاپىراقتاپ بيلەگەن جۇرت.
‐-----------
گەرمانيا. بەلگيادا جۇمىس ىستەيتىن ۇل كورونوۆيرۋسقا بايلانىستى گەرمانياعا، تۋعان قالاسىنا ورالدى. بىراق، ول سول قالادا تۇراتىن اكە-شەشەسىنە بارماي، قوناق ۇيگە توقتاۋدى ءجون كوردى. اكە-شەشەسىن كورمەگەلى ءبىراز بولعان. قاتتى ساعىندى. دەگەنمەن سولاردىڭ اماندىعى ءۇشىن بولەك تۇرعانىم دۇرىس دەپ شەشتى.

قازاقستان. استاناداعى كوروناۆيرۋستان قاشقان جاس جىگىت قازاق دالاسىن كوكتەي ءوتىپ، جول-جونەكەي تالايمەن شۇيىركەلەسىپ، وڭتۇستىكتەگى ۇيىنە بارىپ ءبىر-اق توقتادى. كوپ ۇزاماي وزىنەن دە، تۋعان اناسىنان دا ىندەتتىڭ بەلگىلەرى انىقتالدى.
--------

گەرمانيا. قازىر قالادا دا، دالادا دا بەيساۋىت جۇرگەن جان جوق. كوشەگە ەشكىم شىقپايدى. ۇيدە وتىرساڭ وزىڭە دە، وزگەگە دە ىندەت كەلمەيتىنىن ولار تۇسىنگەن. بارلىق جەردە تەمىردەي ءتارتىپ.

قازاقستان. "قازپوشتا",بانكتەردىڭ الدى قۇجىناعان حالىق. ۇزىنسونار كەزەك. ءبىر-بىرىنە تۇكىرىگىن شاشىراتىپ داۋرىققان جۇرت...

ءارى قاراي سالىستىرا بەرۋگە شىدامىم جەتپەدى. سۇمدىق قوي!

ارمان سقابىلۇلىنىڭ الەۋمەتتىك جەلىدەگى جازباسى

Abai.kz

2 پىكىر