جۇما, 29 ناۋرىز 2024
2464 3 پىكىر 3 ءساۋىر, 2020 ساعات 12:53

شىمكەنت قالاسى كارانتينگە جابىلادى

4 ءساۋىر ساعات 21.00-دەن باستاپ شىمكەنت كارانتينگە جابىلادى. بۇل تۋرالى قالا اكىمى مۇرات ايتەنوۆ تۇرعىندارعا جاساعان مالىمدەمەسىندە حابارلادى. 
⠀ 
كارانتين مىنانداي شەكتەۋ شارالارىن قامتيدى:

1. كارانتين كەزىندە شىمكەنت قالاسى باس سانيتارىنىڭ قاۋلىسىندا كورسەتىلگەن مەكەمەلەردەن بولەك مەنشىك نىسانىنا قاراماستان بارلىق مەكەمەلەردىڭ جۇمىسى توقتاتىلادى. ول مەكەمەلەردىڭ ءتىزىمىن اكىمدىكتىڭ رەسمي سايتى مەن الەۋمەتتىك جەلىلەردە جاريالايمىز. قوعامدىق دەمالىس ورىندارى، سونىمەن قاتار ساياباقتار مەن بالالار الاڭشالارىنا بارۋعا بولمايدى.

2. تۇرعىندار مەن كولىكتىڭ بارلىق تۇرىنە شىمكەنت قالاسىنان شىعۋعا جانە قالاعا كىرۋىنە تىيىم سالىنادى. بۇل شەكتەۋدىڭ قاۋلىدا كورسەتىلگەن بەلگىلى ازاماتتار مەن كولىكتەرگە قاتىسى جوق. ولاردىڭ دا ءتىزىمى جاريالانادى.

3. قالا اۋماعىندا شاعىن ميكرواۆتوبۋستاردىڭ قوزعالىسىنا تىيىم سالىنىپ، ولاردىڭ باعىتتارى بويىنشا اۆتوبۋس قوزعالىسى قويىلادى. قالاىشىلىك قوعامدىق كولىك قوزعالىسى تاڭعى 07.00-دەن 19.00-گە دەيىن عانا جۇزەگە اسادى.

4. قالا اۋماعىنداعى زالالسىزداندىرۋ شارالارى كارانتين مەرزىمى اياقتالعانعا دەيىن كۇشەيتىلەتىن بولادى.

5. ازاماتتاردىڭ ءجۇرىپ-تۇرۋىنا شەكتەۋ قويىلادى. بۇل تۇرعىنداردىڭ ءوزىن-ءوزى وقشاۋلاۋى ءۇشىن جاعداي جاساۋعا باعىتتالىپ وتىر. مۇنداي شەكتەۋلەر مەديتسينا قىزمەتكەرلەرىنە، قۇقىق قورعاۋ ورگاندارىنىڭ وكىلدەرىنە، قالا تىنىس-تىرشىلىگىن قامتاماسىز ەتۋشى كوممۋنالدىق مەكەمە قىزمەتكەرلەرىنە قولدانىلمايدى.

6. شىمكەنت قالاسىنىڭ اۋماعىنداعى توتەنشە جاعداي جانە كارانتين كەزىندە 55 جاستان اسقان تۇرعىندارعا اسا ءبىر قاجەتتىلىكسىز كوشەگە شىقپاۋدى ۇسىنامىز.

7. كارانتين كەزىندە ءتىزىم بويىنشا جۇمىسى توقتاماعان بارلىق مەكەمەلەر قىزمەتكەرىن جۇمىس ورنى تۋرالى انىقتامامەن قامتاماسىز ەتۋى شارت.

8. ازىق-تۇلىك بازارلارىنىڭ جۇمىس ۋاقىتى 10:00-دەن 18:00-گە دەيىن، قادامدىق قاشىقتاعى ازىق-تۇلىك دۇكەندەرىنىڭ جۇمىس ۋاقىتى 10:00-دەن 21:00-گە دەيىن بولىپ قالادى.

9. بارلىق قوعامدىق تاماقتانۋ ورىندارى جەتكىزىپ بەرۋ رەجيمىنە كوشەدى.

10. ازاماتتاردىڭ قالا اۋماعىندا جەكە كولىگىمەن جۇرۋىنە تىيىم سالىنادى. بۇل تالاپ تىزىمگە كىرەتىن مەكەمە قىزمەتكەرلەرىنە قولدانىلمايدى جانە ول ازاماتتاردىڭ قولىندا جۇمىس ورنى بەرگەن انىقتاما بولۋى كەرەك.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3542