جۇما, 29 ناۋرىز 2024
46 - ءسوز 3057 0 پىكىر 31 ناۋرىز, 2020 ساعات 13:27

داعدارىس كەزىندە بيزنەس قالاي ارەكەت ەتۋى كەرەك؟

نارىق قۇلاپ جاتقان كەزدەگى باستى ماسەلە - بۇل داعدارىس پا الدە كوررەكتسيا ما، سونى انىقتاپ الۋ. مەن تولىق قولدايتىن كەلەسىدەي حالىقارالىق تۇسىنىك بار: ەگەر ساتىلىم 25%-دان تومەندەسە، وندا بۇل - داعدارىس. ال باسقاسى - كوررەكتسيا.

ەگەر بيزنەسىڭىزدە ساتىلىم كولەمى 25%-عا دەيىن تومەندەسە، ءسىز باقىلاۋشى پوزيتسياسىن ۇستانعانىڭىز ءجون. ءارى قاراي نە بولارىن جاي عانا باقىلايسىز.

ال ەگەر ساتىلىم كولەمى 25%-دان ءارى تومەندەپ كەتسە، وندا ءسىزدىڭ كومپانياڭىز داعدارىس ايماعىندا دەگەن ءسوز.

ەگەر ءسىز داعدارىس ايماعىنا كىرگەن بولساڭىز، ءبىرىنشى كەزەكتە، شىعىندارىڭىزدى ازايتىپ، بارلىق دامۋ باعدارلامالارىن توقتاتۋىڭىز كەرەك (ياعني، بارلىق ينۆەستيتسيالاردى توقتاتۋ، كاسىپورىندى كەڭەيتپەۋ، جاڭا قىزمەتكەرلەردى جۇمىسقا قابىلداماۋ، فيليالدار اشپاۋ جانە ت.ب.).
داعدارىس كەزەڭىندەگى ءسىزدىڭ باستى مىندەتىڭىز - ماكسيمالدى تۇردە ءوز اقشاڭىزدى ساقتاپ قالۋ.

جاسالۋى ءتيىس كەلەسى كەلەسى ارەكەت - ءوز بيزنەسىڭىزدىڭ "اقساپ" تۇرعان بولىگىن انىقتاۋ، ەگەر بۇل ءبىر عانا باعىت نەمەسە سەگمەنت بولسا، وندا رەتى كەلگەنشە، بۇل بولىكتى تەز ارادا جابۋ نەمەسە توقتاتىپ قويعان دۇرىس. سودان سوڭ، نارىقتى ءجىتى باقىلاۋعا الۋ كەرەك.

ينۆەستيتسيا جاساۋ نەمەسە جاڭا بيزنەس اشۋدىڭ قانداي دا ءبىر جولىن ىزدەۋدىڭ مۇلدەم قاجەتى جوق، وزگە سالالارعا قاراجات سالماڭىز.

وسىعان وراي، قازىر ماعان كەلىپ جاتقان بيزنەسكە قاتىستى ساۋالدارعا ناقتى جاۋاپ بەرە المايمىن، ويتكەنى، بۇل تولىق تۇرلاۋسىزدىق جاعدايى. ەشكىم دە ناقتى، ءارى سەنىمدى تۇردە ەشتەڭە ايتا المايدى. قازىرگى جاعدايدا، ءسىز ءۇشىن دۇرىسى - قولدا قالعان دۇنيەنى ساقتاپ، جاقسى كۇندەردى كۇتۋ.

مارعۇلان سەيسەمبايدىڭ الەۋمەتتىك جەلىدەگى جازباسى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616