WTI ۇلگىسىندەگى مۇنايدىڭ ءبىر باررەلىنىڭ باعاسى 2002 جىلدان بەرى ءبىرىنشى رەت 20 دوللارعا دەيىن تومەندەدى. Brent مۇنايى 23 دوللاردان ءسال اساتىن باعاعا ساتىلىپ جاتىر.

ناۋرىز ايىنىڭ باسىنان بەرى الەمدە شيكىزات باعاسى 50 پايىزعا ءتۇستى. مۇناي باعاسىنىڭ ارزانداۋىنا رەسەي شيكىزات ءوندىرۋ كولەمىن ازايتۋ بويىنشا وپەك-پەن كەلىسپەي قالعانى سەبەپ بولدى. ساۋد ارابياسى COVID-19 پاندەمياسىنا بايلانىستى ەكونوميكانى قولداۋ ءۇشىن مۇناي ءوندىرۋدى ازايتۋدى ۇسىنعان.

رەسەي مەن وپەك ورتاق كەلىسىمگە كەلە الماي، بۇل ارادا كوروناۆيرۋس جايىلىپ جاتقاندىقتان، اقش-تا مۇنايعا سۇرانىس تومەندەدى. وسىعان بايلانىستى وندىرۋشىلەر تۇتىنۋشىلارعا مۇنايدى ساقتاۋ ورىندارىنان الىپ كەتۋ ءۇشىن ءبىر باررەل ءۇشىن 19 تسەنتتەن قوسىپ تولەپ بەرىپ جاتىر.

Abai.kz