ەلىمىزدەگى كۇردەلى جاعدايدا ەڭبەك ەتىپ جۇرگەن دارىگەرلەر ءۇشىن قارجىلاي قولداۋدىڭ جاڭا پاكەتى قاجەت. بۇل تۋرالى مەملەكەت باسشىسى قاسىم-جومارت توقاەۆ Twitter جەلىسىندە جازدى.

پرەزيدەنتتىڭ ايتۋىنشا، دارىگەرلەردى قارجىلاي قولداۋ شارالارىنا بايلانىستى قابىلدانعان شەشىم الداعى دۇيسەنبىدە جاريالانادى.

"سانيتارلىق-ەپيدەميولوگيالىق سالاداعى كۇردەلى كەزەڭدە ەڭبەك ەتىپ جاتقان دارىگەرلەردى قارجىلاي قولداۋدىڭ جاڭا پاكەتى قاجەت. ولار سوعان لايىقتى. ۇكىمەت ەسەپتەۋلەردى جۇرگىزۋدە. قابىلدانعان شەشىم دۇيسەنبىدە جاريالانادى", - دەپ جازدى پرەزيدەنت Twitter جەلىسىندەگى پاراقشاسىندا.

ايتا كەتەيىك، قازىر ەلىمىزدە كوروناۆيرۋس جۇقتىرعاندار سانى 251-گە جەتتى. ولاردىڭ 18-ءى جازىلىپ شىققان.

Abai.kz