سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11571. جازىلعاندار — 5757. قايتىس بولعاندار — 41
انىق 851 7 پىكىر 28 ناۋرىز, 2020 ساعات 12:37

قازاقستاندىقتار جىلىنا قانشا ىشىمدىك ىشەدى؟

World Health Organization (دۇنيەجۇزىلىك دەنساۋلىق ساقتاۋ ۇيىمى) دەرەگى بويىنشا 2020 جىلى ەڭ كوپ الكوگولدىك ىشىمدىك ىشكەن 10 ەل انىقتالىپ وتىر.

ساراپتاما جاساۋشىلار 15 جانە ودان ۇلكەن جاستاعىلاردىڭ سپيرت ونىمدەرىن تۇتىنۋىن 7 ولشەم بويىنشا ەسەپتىك كورسەتكىشىن ەسكەرە وتىرىپ، الەمدەگى ىشىمدىكتى ەڭ كوپ پايدالاناتىن ەلدەردىڭ رەيتينگىسىن جاسادى.

وسى رەيتينگتى جاساردا تومەندەگى كورسەتكىشتەر ەسكەرىلىندى:

1) اتالعان ەلدە وندىرىلەتىن تازا ەتيل ءسپيرتىنىڭ كولەمى; 2) اتالعان ەلگە سىرتتان تاسىمالداناتىن تازا ەتيل ءسپيرتىنىڭ كولەمى; 3) اتالعان ەلدەگى جان باسىنا شاققاندا ىشىلەتىن تازا ەتيل ءسپيرتىنىڭ ءليترىنىڭ ورتاشا كورسەتكىشى; 4) تازا ەتيل ءسپيرتىنىڭ ءليترىنىڭ ءبىر رەتكى ءبىر ادامعا ساتىلۋىنىڭ ورتاشا كورسەتكىشى; 5) تۇرعىندار اراسىندا جۇرگىزىلگەن ساۋالناما نەگىزىندە الىنعان مالىمەت بويىنشا; 6) الكوگولدى تۇتىنۋعا بايلانىستى ءولىم-ءجىتىم سانى; 7) الكوگولگە تاۋەلدىلىكتەن ەمدەلۋشىلەر سانى.

1) مولدوۆا 15.2

2) ليتۆا 15.0

3) چەحيا 14.4

4) گەرمانيا 13.5

5) نيگەريا 13.4

6) يرلانديا 13.1

7) ليۋكسەنبۋرگ 13.0

8) لاتۆيا 12.9

9) بولگاريا 12.6

10) رۋمىنيا 12.4

16) رەسەي 11.7 

27) بەلارۋس 11.2

60) ۋكراينا  8.6 

76) قازاقستان 7.7 

106) ارمەنيا 5.5

166) ءازىربايجان 0.8

ەلىمىزدە تازا ەتيل ءسپيرتىنىڭ تۇتىنۋ كولەمى 7,7 قۇراۋى ويلانتادى. جانە مۇسىلمان ەلدەرى اراسىندا بىرىنشىلىكتى يەلەنۋ جاس ۇرپاقتى زالالدى دەرتتەن قالاي ساقتاۋدىڭ جولىن ىزدەۋگە جەتەلەيتىنى انىق. 

بىراق ءبىزدىڭ وسى سالاداعى بيزسمەندەردىڭ اقتالالاتىن دۇنيەسى – رەسەيگە ساۋداعا شىعارامىز دەۋى. بۇنىڭ ءبىز ەسكەرۋگە ءتيىس ەكى جاعى بار. ساۋالنامانىڭ ورىس ءتىلدى قازاقستاندىقتار اراسىندا جۇرگىزىلۋى. جانە ەلىمىزدە وندىرىلەتىن اسىرەسە، رەسەيمەن شەكتەسەتىن سولتۇستىك-شىعىس جانە باتىس وبلىستارىمىزدىڭ وندىرگەن ونىمدەرىن ەاەو اياسىندا سولتۇستىك كورشىمىزگە ساۋدالاۋى. 

ءابىل-سەرىك الىاكبار

Abai.kz

7 پىكىر