نۇر-سۇلتان مەن الماتى قالالارىندا 30 ناۋرىز بەن 5 ءساۋىر ارالىعىندا كاسىپورىندار مەن ۇيىمداردىڭ جۇمىسى ۋاقىتشا توقتاتىلادى،- دەپ حابارلايدى primeminister.kz.

بۇل تۋرالى ۇكىمەت باسشىسىنىڭ توراعالىعىمەن وتكەن قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسىندا ايتىلدى.

-مەملەكەتتىك كوميسسيا كوروناۆيرۋستىق ينفەكتسيانىڭ تارالۋىن شەكتەۋ ماقساتىندا نۇر-سۇلتان جانە الماتى قالالارىندا بيىلعى 30 ناۋرىز بەن 5 ءساۋىر ارالىعىندا ورتالىق مەملەكەتتىك ورگاندار، اكىمدىكتەر، قۇقىق قورعاۋ ورگاندارى، دەنساۋلىق ساقتاۋ ۇيىمدارى، باق، ازىق-تۇلىك دۇكەندەرى، ءدارىحانالار مەن تىرشىلىكتى قامتاماسىز ەتۋ ۇيىمدارىن قوسپاعاندا، مەنشىك تۇرىنە قاراماستان بارلىق كاسىپورىندار مەن ۇيىمداردىڭ جۇمىسىن ۋاقىتشا توقتاتۋ تۋرالى شەشىمدى بەكىتتى,- دەلىنگەن حابارلامادا.

تولىق ءتىزىم قالالاردىڭ اكىمدىكتەرىمەن كەلىسە وتىرىپ انىقتالادى.

Abai.kz