نۇر-سۇلتان جانە الماتى قالالارىندا كارانتيننىڭ كۇشەيتىلگەن رەجيمى كۇشىنە ەندى، - دەپ حابارلايدى قازاقپارات.

كەشە مەملەكەتتىك كوميسسيا 28 ناۋرىز ساعات 00.00-دەن باستاپ نۇر-سۇلتان جانە الماتى قالالارىندا كارانتين رەجيمىن كۇشەيتۋ تۋرالى شەشىم قابىلدادى.

اتاپ ايتقاندا:

- ازاماتتاردىڭ ازىق-تۇلىك، ءدارى-دارمەك ساتىپ الۋدى جانە جۇمىسقا بارۋدى قوسپاعاندا، ازاماتتاردىڭ تۇرعىن ۇيدەن شىعۋىن شەكتەۋ;

- حالىق كوپ جينالاتىن ورىنداردى جابۋ (ساياباقتار، سكۆەرلەر، جاياۋ جۇرەتىن كوشەلەر، جاعالاۋلار، ويىن الاڭدارى جانە ت. ب.);

- قوعامدىق كولىك جۇمىسىن كەزەڭ-كەزەڭمەن شەكتەۋ;

- كوشەلەردە جانە باسقا دا قوعامدىق ورىنداردا ءۇش ادامنان ارتىق توپتاسىپ جينالۋعا تىيىم سالۋ (وتباسى مۇشەلەرىنەن باسقا);

- كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالۋ شارالارى قابىلداندى.

كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا شىمكەنت قالاسىنداعى اباي اۋدانىندا «تاۋەلسىزدىككە 20 جىل» تۇرعىن ءۇي الابىندا ءۇيدى-ءۇيدى ارالاۋدى ۇيىمداستىرۋمەن 14 كۇنگە سوزىلاتىن كارانتين ەنگىزىلەدى. شىمكەنت قالاسىندا سونىمەن قاتار اۋەجايدىڭ، تەمىرجول ۆوكزالى جانە اۆتوۆوكزالدىڭ، بالاباقشالاردىڭ جۇمىسى توقتاتىلادى.

حالىق كوپ جينالاتىن جەرلەر جابىلادى (ساياباقتار، سكۆەرلەر، جاياۋ جۇرگىنشى كوشەلەرى، ويىن الاڭدارى ت. ب.). قوعامدىق تاماقتاندىرۋ ورىندارىنىڭ جۇمىسى ساعات 18.00-گە دەيىن شەكتەلەدى.

قوعامدىق كولىك قوزعالىسى كەزەڭ-كەزەڭمەن شەكتەلەدى. ازىق-تۇلىك دۇكەندەرىنىڭ، ساۋدا ورتالىقتارى مەن كيىم-كەشەك بازارلارىنىڭ، قىزمەت كورسەتەتىن نىسانداردىڭ جۇمىس رەجيمىن شەكتەۋ شىمكەنت قالاسى اكىمىنىڭ شەشىمى بويىنشا جۇزەگە اسىرىلادى.

Abai.kz