مەملەكەت تاراپىنان ناقتى قادام جاسالۋى ءتيىس
حالىققا شىنىمەندە ۆيرۋستىڭ قاۋىپتى قاتەر ەكەنىن كورسەتۋ ءۇشىن تسيفردىڭ وزگەرىپ وتىرعاندىعى سەنىم بەرمەيدى. ءبىزدىڭ ەلدە تسيفردىڭ قالاي تۇرلەنەتىنىن حالىق جاقسى بىلەدى. حالىق ازىرگە بەي جاي ءجۇر. حالىق ۇيدەن شىقپاي وتىرسىن دەسەك مەملەكەت تاراپىنان بىرنەشە قادام جاسالۋى ءتيىس:
- حالىققا اۋىرعان،جازىلعان ادامداردىڭ، ەمدەپ جۇرگەن دارىگەرلەردىڭ ۆيدەو-فوتولارىن تاراتۋ كەرەك. قىتاي، يتاليا سياقتى ەلدەردىڭ يۋتۋب جەلىسىندە ءتۇرلى ۆيدەولارى تارالۋدا، حالىق سول ۆيدەولار ارقىلى عانا كينو كورگەندەي قاراۋدا، بىراق ەلدە تارالىپ جاتقانىنا تولىق سەنىمدەرى جوق. ەلىمىزدە ىندەتتىڭ تارالىپ جاتقانىنا كوزدەرىن جەتكىزۋ ءۇشىن ۆيدەولار تارالۋ كەرەك، حالىق تەز ەتەك جەڭىن جينايدى.
- حالىقتىڭ باسىم كوپشىلىگىندە جيناعان قورى جوق، سوندىقتان ازىق تۇلىكپەن قامتاماسىز ەتۋ كەرەك. ازىق تۇلىكپەن قامتامامىز ەتۋدىڭ ەكى جولى بار:1) اقشالاي; 2) ازىق تۇلىكپەن. مەملەكەتكە اقشالاي تولەم جاساۋدىڭ نەمەسە ازىق تۇلىكپەن قامتاماسىز ەتۋدىڭ مەحانيزمىن جاساۋ قاجەت.
ازىق تۇلىكپەن قامتاماسىز ەتۋ ەتاپ بويىنشا ءجۇرۋ كەرەك، مىسالى، رەتىمەن كوپ بالالى انالار، جاعدايى تومەن وتباسىلار، كارانتين كەزىندە جۇمىسىنان ايىرىلعاندار، ءوزىن ءوزى جۇمىسپەن قامتۋشىلار جانە ت.س.س.
-كارانتين كەزىندە كوممۋنالدىق تولەمدەردى ءبولىپ جارماي رەسپۋبليكا بويىنشا مەملەكەت ەسەبىنەن تولەنۋى كەرەك.
قازىرگى تاڭداعى مەملەكەت تاراپىنان بەرىلىپ جاتقان كومەكتەردىڭ تۇرلەرى:
- جەرگىلىكتى اكىمشىلىكتەردە جاعدايى تومەن وتباسىلارعا(اتاۋلى الەۋمەتتىك كومەك الۋشىلار) ازىق تۇلىك ۇلەستىرىلۋدە. كارانتين قالالارىندا وزدەرى جەتكىزۋدە. وبلىستاردا حالىق جينالىپ كەلىپ كەزەككە تالاسىپ حاوس بولۋدا، اراسىندا ىندەت تاراتۋشى ادامنىڭ بولماۋىنا ەشكىم كەپىل بەرە المايدى⁉️
- 42500 تەڭگەلىك كومەك بەرىلۋدە، وعان رەسمي تۇردە جۇمىس جاساپ ، ۋاقىتشا تولەمسىز دەمالىسقا كەتكەندەر، ەشقايدا بارۋدىڭ قاجەتى جوق، جۇمىس بەرۋشى جۇمىسشىلارىنىڭ ءتىزىمىن وتكىزۋى كەرەك.
اش حالىققا ەشقانداي ىندەت قورقىنىش بولمايدى. سوندىقتان، مەملەكەت تاراپىنان جاسالىپ جاتقان كومەك جوعارىداعى كورسەتىلگەن قادامدارمەن تولىقتىرىلماي، حالىقتى ءجاي تسيفرمەن، قورقىتۋمەن ۇيدە وتىرعىزا المايدى.
قادامداردى تولىعىمەن ورىنداعاننان كەيىن، تالاپ ەتىپ قاتاڭ شارا قولدانۋعا كوشۋگە بولادى.
ساعىندىق بەكۇلاننىڭ الەۋمەتتىك جەلىدەگى جازباسى
Abai.kz
