بۇگىن -  حالىقارالىق تەاتر كۇنى. وسى ورايدا مەملەكەت جانە قوعام قايراتكەرى يمانعالي تاسماعامبەتوۆ قازاقستاننىڭ حالىق ءارتىسى تالعات تەمەنوۆتى كاسىبي مەرەكەسىمەن قۇتتىقتاپ، ەلگە سالەم جولدادى.

- جان دوسىم، تالعات! قالايسىڭ؟ ءۇي-ءىشى امان با؟ بۇگىنگى مەرەكەلەرىڭ قۇتتى بولسىن! تەاتر كۇنىن ايتام.

ەسىڭدە بولار، باياعىدا سەنى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا باسشى بولىپ بار دەگەندە ات تونىڭدى الا قاشىپ ەڭ... ەندى بۇگىن تەاتر ەكىنشى ءۇيىڭ بولدى. ساعان تەاتردىڭ پايداسى ءتيدى. سەنىڭ دە تەاترعا جاساعان ەڭبەگىڭ ۇشان-تەڭىز. ءبىز دە امان. ماسكەۋدەن شىعا الماي قالدىق... كۇن دە، اۋا رايى دا بيىل ەرەكشە.

وتكەن جولى: "جىگىتتەر سۇراپ جاتىر", - دەپ ەدىڭ. مەنەن بارىنە سالەم ايت! ۇيدە بەكەر جاتپاي ءبىر جۇمىس جازىپ جاتىرمىن. مەنى دە شىعارماشىلىق ادام جاسادىڭدار. ەڭ نەگىزى مىنا كەسەلدەن امان-ەسەن وتۋگە جازسىن. ءوزىم دە ءبارىڭدى ساعىندىم. ۇشايىن دەسەم قانات جوق... امان-ەسەن باس قوسۋعا جازسىن! امان بول، دوسىم! كۇرمەتپەن، يمانعالي!

Abai.kz