جۇما, 29 ناۋرىز 2024
2108 3 پىكىر 27 ناۋرىز, 2020 ساعات 10:44

G20 سامميتىندە پۋتين سانكتسيالارعا موراتوري جاريالاۋىن سۇرادى

"ۇلكەن جيىرمالىق" ەلدەرى جەتەكشىلەرىنىڭ بەيسەنبى كۇنى ۆيدەوكونفەرەنتسيا فورماتىندا وتكەن جينالىسىندا رەسەي پرەزيدەنتى ۆلاديمير پۋتين حالىقارالىق سانكتسيالاردان باس تارتۋ جونىندە ۇسىنىس جاسادى.

"قاجەتتى تاۋارلاردى ساتىپ الۋ قاجەتتى قارجى ترانزاكتسيالارىن شەكتەۋگە موراتوري ەنگىزگەنىمىز دۇرىس بولادى", - دەپ مالىمدەدى پۋتين.

2014 جىلدان بەرى رەسەي سانكتسيالاردىڭ زاردابىن تارتىپ كەلەدى. باتىس ەلدەرى كرەملگە قاتىستى سانكتسيالاردى رەسەيدىڭ قىرىمدى اننەكسيالاپ، دونباسستاعى قارۋلى جانجالدا جىكشىلدەرگە قولداعانى ءۇشىن ەنگىزگەن.

پۋتين داعدارىستى ەڭسەرۋ ءۇشىن حالىقارالىق ينستيتۋتتاردى قايتا ۇيىمداستىرۋ تۋرالى دا ۇسىنىس جاسادى. بىراق ول ناقتى يدەيا ايتقان جوق.

كرەمل ءباسپاسوز حاتشىسى دميتري پەسكوۆتىڭ ايتۋىنشا، پۋتين مەن فرانتسيا پرەزيدەنتى ەممانۋەل ماكرون كەزدەسۋىندە سانكتسيانى الىپ تاستاۋ ماسەلەسى كوتەرىلمەگەن.

"ۇلكەن جيىرمالىق" سامميتىندە بىرلەسكەن مالىمدەمە قابىلداندى. وندا ۇيىمعا مۇشە ەلدەر داعدارىستى ەڭسەرۋ ءۇشىن بەس تريلليون دوللار بولەتىنى ايتىلعان. بۇعان قوسا مەملەكەتتەر كوروناۆيرۋس ينفەكتسياسىنىڭ ۆاكتسيناسىن بىرگە ىزدەپ كورمەك.

26 ناۋرىزدا كەشكە قاراي الەمدە كوروناۆيرۋس كەسەلىن جۇقتىرعاندار 520 مىڭنان استى. قاتەرلى ىندەتتەن 23 مىڭنان استام ادام قازا تاپتى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544