ۆەدومستۆو دەرەگىنشە، "كارانتين اۋماعىنىڭ شەكاراسىن بۇزۋ" بويىنشا 73 فاكت تىركەلگەن، 11 كاسىپكەر جاۋاپكەرشىلىككە تارتىلعان. پروكۋراتۋرا سونىمەن بىرگە "مەديتسينالىق ماسكالاردى قىمبات باعامەن ساتىپ، كاسىپكەرلىكپەن زاڭسىز اينالىسقان" بىرنەشە فاكتىنى دە انىقتاعانىن حابارلادى.
ء"تورت ميلليوننان استام ماسكا تاركىلەنىپ، الماتى قالالىق قوعامدىق دەنساۋلىق ساقتاۋ باسقارماسىنا بەرىلدى" دەلىنگەن حابارلامادا.
بۇعان دەيىن الماتى مەن نۇر-سۇلتاندا "بلوكبەكەتتەردى اينالىپ ءوتىپ، اقشا تابۋعا تىرىسقان" بىرنەشە تاكسيست اكىمشىلىك جازاعا تارتىلعان ەدى.
كوروناۆيرۋس ەڭ كوپ تابىلعان نۇر-سۇلتان مەن الماتى قالاسىندا 19 ناۋرىزدان بەرى كارانتين جاريالانعان. قازىر قالاعا كىرىپ-شىعۋعا شەكتەۋ قويىلعان. قالاعا قاتىنايتىن جولاۋشىلار پويىزى، ۇشاقتار (نەگىزىنەن ىشكى رەيستەر) توقتاعان. ويىن-ساۋىق ورتالىقتارى، ازىق-تۇلىك ەمەس تاۋار ساتاتىن ساۋدا نىساندارى، بالاباقشا، ۇلتتىق ساياباقتار جابىلدى.
Abai.kz
