ساۋدا جانە ينتەگراتسيا ءمينيسترى باقىت سۇلتانوۆ Facebook جەلىسىندە “قازىر ەل ايماقتارىن ازىق-تۇلىكپەن جانە جەمىس-جيدەكپەن تۇراقتى قامتاماسىز ەتۋ – باستى ماقسات” ەكەنىن جازدى.

قازاقستاندا كوروناۆيرۋسقا بايلانىستى 15 ساۋىرگە دەيىن توتەنشە جاعداي. 19 ناۋرىزدان باستاپ الماتى مەن نۇر-سۇلتان قالالارى كارانتينگە كوشتى. بۇل ەكى قالاداعى بارلىق ساۋدا ورىنى مەن ويىن-ساۋىق ورتالىعى جابىق. تەك ازىق-تۇلىك ساتاتىن ورىندار مەن ءدارىحانالار اشىق. ال كارانتين جاريالانباعان باسقا ايماقتاردا بازارلار، ساۋدا ورىندارى اشىق.

قازاقستاندا كوروناۆيرۋس جۇققان ناۋقاستار سانى 72 ادامعا جەتتى. الماتىدا - 29 ادام، نۇر-سۇلتاندا - 36 ادام، قاراعاندىدا - 2 ادام، الماتى وبلىسىندا - 1, اقتوبە وبلىسىندا 1 ادام. شىمكەنت قالاسىندا - 1, سولتۇستىك قازاقستان وبلىسىندا ءبىر ادام ەمدەلىپ جاتىر.

بيلىك تەڭگە قۇنسىزدانىپ، كوروناۆيرۋس تاراپ جاتقان تۇستا داعدارىسپەن كۇرەسۋ ءۇشىن 4,4 تريلليون تەڭگە (10 ملرد دوللار) بولمەك. نۇر-سۇلتان داعدارىس كەزىندە جۇمىس ورىندارى ساقتالىپ، ازىق باعاسى قىمباتتامايدى دەپ سەندىرىپ وتىر.

Abai.kz