سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
688 2 پىكىر 24 ناۋرىز, 2020 ساعات 13:43

مايك پومپەو كۇتپەگەن جەردەن اۋعانستانعا كەلدى

اقش مەملەكەتتىك حاتشىسى مايك پومپەو 23 ناۋرىزدا كابۋلعا كەلدى. ول كەلە سالىسىمەن اۋعانستان پرەزيدەنتى اشراف گانيمەن كەزدەستى. ەندى ونىڭ ساياسي باقتالاسى ابدۋللا ابدۋللامەن جۇزدەسەدى.

اقپارات قۇرالدارىنىڭ حابارلاۋىنشا، پومپەو اۋعانستانعا ۆاشينگتون مەن "تاليبان" قوزعالىسى اراسىنداعى كەلىسىمدى قۇتقارۋ ماقساتىندا كەلگەن. Associated Press اگەنتتىگىنىڭ مالىمەتى بويىنشا، مەملەكەتتىك حاتشى گاني جانە ابدۋللامەن جەكە-جەكە كەزدەسكەن سوڭ، ولارمەن بىرگە تاعى ءبىر كەلىسسوز وتكىزەدى.

اۋعانستان سايلاۋ كوميسسياسى 18 اقپاندا پرەزيدەنت اشراف گاني سايلاۋدا جەڭىسكە جەتتى دەپ جاريالادى. دەگەنمەن ونىڭ قارسىلاسى پرەمەر-مينيستر ابدۋللا ابدۋللا سايلاۋدا زاڭ بۇزۋشىلىق بولعانىن العا تارتىپ، جەڭىسكە مەن جەتتىم دەپ مالىمدەدى.

9 ناۋرىزدا كابۋلدا ەل پرەزيدەنتى قىزمەتىنە كىرىسۋ سالتاناتى ەكى جەردە قاتار ءوتتى. پرەزيدەنت سارايىندا اشراف گاني انت قابىلداسا، كورشى سارايدا ابدۋللا ابدۋللا يناۋگۋراتسياسى ءوتتى.

اقپان ايىنىڭ سوڭىندا اقش پەن "تاليبان" قوزعالىسى كاتاردا كەلىسىمگە وتىردى. اقش بۇل ەلدەگى جاۋىنگەرلەرى سانىن 8,6 مىڭعا دەيىن قىسقارتادى.

اشراف گاني مەملەكەت باسشىسى قىزمەتىنە كىرىسكەن ەكىنشى كۇنى "تاليبان" قوزعالىسىنىڭ بەس مىڭ مۇشەسىن تۇرمەدەن بوساتتى.

Abai.kz

2 پىكىر