جۇما, 3 ءساۋىر 2020
COVID-19 قازاقستاندا. جۇقتىرعاندار — 435. جازىلعاندار — 27. قايتىس بولعاندار — 3
1338 5 پىكىر 23 ناۋرىز, 2020 ساعات 10:47

رەسەيدە ءپۋتيننىڭ پرەزيدەنتتىك مەرزىمدەرىنىڭ جويىلۋىنا قارسى اكتسيا ءوتىپ جاتىر

رەسەيدىڭ بىرنەشە قالاسىندا ۆلاديمير ءپۋتيننىڭ پرەزيدەنتتىك مەرزىمدەرىن جوياتىن كونستيتۋتسيالىق زاڭنىڭ قابىلدانۋىنا قارسى نارازىلىق اكتسياسى ءوتىپ جاتىر.

كراسنويارسك قالاسىندا ميتينگىگە شامامەن 200 تۇرعىن جينالدى دەپ حابارلادى "سيبير.رەالي" جوباسى. بيلىك اكتسيانى قالا ورتالىعىندا وتكىزۋگە رۇقسات بەرمەي، تەرەشكوۆا كوشەسىندەگى شاعىن سكۆەردى بولگەن. دەپۋتات ۆالەنتينا تەرەشكوۆا حالىق قارسى شىعىپ جاتقان كونستيتۋتسيالىق تۇزەتۋدى ۇسىنعان ەدى.

ەكاتەرينبۋرگتە 22 ناۋرىزدا وتكەن ميتينگىگە شامامەن 50 ادام كەلدى دەپ حابارلادى ناستوياششەە ۆرەميا ءتىلشىسى. كوروناۆيرۋسقا بايلانىستى مۇندا ەلۋ ادامنان اساتىن شارا ۇيىمداستىرۋعا تىيىم سالىنعان. دەگەنمەن بيلىكتىڭ اۋىسپاۋى بۇدان دا سوراقى اۋرۋ دەپ ەسەپتەگەن تۇرعىندار اكتسياعا جينالعان.

چيتا قالاسىنداعى اكتسياعا تۋرا 50 ادام جينالدى. ميتينگ "پۋتين ماڭگى ەمەس" دەگەن ۇرانمەن ءوتتى.

نارازىلىق اكتسيالارى نوۆوسيبيرسك، روستوۆ-نا-دونۋ، كومسومولسك-نا-امۋرە جانە باسقا دا قالالاردا ءوتتى. ال كەمەروۆودا جالعىز ءوزى پيكەتكە شىققان تۇرعىندى پوليتسيا ۇستادى.

پرەزيدەنت ۆلاديمير پۋتين كونستيتۋتسياعا ەنگىزىلەتىن وزگەرىستەردى داۋىسقا سالۋدى 22 ساۋىرگە بەلگىلەدى. زاڭ قابىلدانسا، پۋتين رەسەيدى 2036 جىلعا دەيىن باسقارا الادى.

Abai.kz

5 پىكىر