جۇما, 29 ناۋرىز 2024
46 - ءسوز 4129 10 پىكىر 21 ناۋرىز, 2020 ساعات 13:24

حالىق بيلىك ترانسفورماتسياسىنا الاڭداۋلى

ء"بىزدىڭ ەلدە بيلىككە دەگەن سەنىم جوق. سەنىم دەگەنىڭىز شىنايىلىق پەن ادالدىققا ارقا تىرەيدى ەمەس پە؟ حالىقتىڭ ابدەن اۋزى كۇيگەن. سەنىم بولماعاندىقتان دا جۇرت بيلىكتىڭ مالىمدەمەلەرىنەن، ارەكەتتەرىنەن استار ىزدەيدى. ءسويتىپ قيالىن سان ساققا جۇگىرتكەن پايىمدار مەن بولجامدار تۋىندايدى.

كەيىنگى كەزدە ايمان مۇساحودجاەۆا باستاپ بىرقاتار كىسىلەر ن.نازارباەۆتىڭ سىڭىرگەن ەڭبەگىن ماداقتاي باستادى. ال بۇگىن ەلباسىنىڭ ءوزىنىڭ ۇندەۋى جاريالاندى. بۇدان ءتورت كۇن بۇرىن قر پرەزيدەنتى ق.ك.توقاەۆتىڭ «شارالاردىڭ بارلىعى – ازاماتتاردىڭ دەنساۋلىعى ءۇشىن جاسالىپ وتىرعانى» تۋرالى ۇندەۋى شىققان. ودان قالىسپاي سپيكەر د.نازارباەۆا دا «ارانداتۋشىلار – ءبىزدىڭ دۇشپانىمىز!» دەپ جاۋ ىزدەگەندەي ۇندەۋ تاستادى. جاي انشەيىن ۇنقوسۋ بولسا ءبىر ءسارى، ءبارى –ۇندەۋ. ءبىر مەملەكەتكە ءبىر باسشىنىڭ ۇندەۋى جەتىپ جاتىر عوي.

ەلباسى ءوزىنىڭ ۇندەۋىندە «قيىن كەزەڭدە ەل-جۇرتقا كومەكتەسكىسى كەلەتىن جانە جاردەم بەرە الاتىن ادامداردىڭ قاراجاتى جيناقتالاتىن رەسپۋبليكالىق قور قۇرۋدى ۇسىنامىن» دەيدى. ول كىسىنىڭ تاپسىرماسى بويىنشا تۇڭعىش پرەزيدەنت قورى توتەنشە جاعدايداعى حالىقتى قولداۋ ءۇشىن 200 ملن تەڭگە، «نۇر-وتان» پارتيالىق جوبالارى بويىنشا 150 ملن تەڭگە بولەتىن بولدى. 

20 ناۋرىزدا الماتىنىڭ ايىرباس پۋنكتەرىندە دوللار قۇنى 495 تەڭگە بولىپ تۇر. سوندا ن.نازارباەۆ ايتىپ وتىرعان ەكى كوزدەن بولىنگەن 350 ميلليون تەڭگە – 700 مىڭداي دوللار، ياعني قاتقان ءبىر كوتتەدجدىڭ قۇنى بولادى دا شىعادى.

ال كورونوۆيرۋسپەن كۇرەسۋگە قىتاي – $15 ملرد، وڭتۇستىك كورەيا – $25 ملرد، اقش – $8,3 ملرد، جاپونيا – $4,1 ملرد، ۇلىبريتانيا – $39 ملرد، ەۆرووداق – 25 ملرد ەۆرو. يتاليا – 25 ملرد ەۆرو، اۆستراليا – $11,4 ملرد، كانادا – $750 ملن، حالىقارالىق ۆاليۋتا قورى – $50 ملرد، دۇنيەجۇزىلىك بانك – $12 ملرد دوللار ءبولىپ وتىر ەكەن. حالىققا سىلدىر ءسوز ەمەس وسىنداي ناقتى كومەك قاجەت.

ال بىزدە الەۋمەتتىك جەلىدە «استانا جاقتا قاپتاعان تانك» دەگەن ۆيدەولور كورىنىس بەرىپ قالدى. سوندا بىزدىكىلەر كورونوۆيرۋسقا قارسى تانكىمەن كۇرەسپەك پە؟

بلوكپوستتارعا اسكەريلەر تارتىلسا جاقسى، تۇسىنىستىكپەن قارايسىڭ. ال تانكىلەردىڭ قاپتاۋى قالاي؟

قالاي دەسەك تە حالىق بيلىك ترانسفورماتسياسىنا الاڭداۋلى. كورونوۆيرۋسقا قارسى كۇرەس الدەبىر ساياسي ويىننىڭ ىڭ-شىڭسىز جۇزەگە اسۋىنا تاپتىرماس بۇركەنىش بولىپ كەتپەسە جارادى.

مارات ءبايدىلداۇلى

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604