جۇما, 29 ناۋرىز 2024
46 - ءسوز 2227 2 پىكىر 18 ناۋرىز, 2020 ساعات 11:08

ءار قادامنان ساياسي استار ىزدەي بەرمەي، بىرلىگىمىزدى كورسەتەيىك

"بۇل عالامدا قازاقستان ءوز حالقىمىزدان باسقا ەشكىمگە كەرەگى جوق" دەگەن پرەزيدەنتتىڭ سوزىندە ۇلكەن استار جاتىر. تەرەڭ ءسوز تۇسىنگەنگە.

جالپى، ءوزارا پىكىرتالاستىراتىن، داۋلاساتىن كەز بولادى. سونىمەن بىرگە ءبىر نۇكتەگە كەلىپ، اتالى سوزگە توقتاپ، ولەتىن نۇكتەمىزدى بىلەتىن كەز دە بولادى. وسىنىڭ ارا-جىگىن اجىراتىپ، وڭ مەن سولىن تانيتىن دەڭگەيدە بولساق جاقسى.

ء"ار قازاق مەنىڭ جالعىزىم" دەگەن حالىقپىز. ىندەت الەمدى جاۋلاپ ونداعان، جۇزدەگەن ادامداردىڭ ءومىرىن الىپ بارادى. مەديتسيناسى دامىعان باتىس ەلدەرىنىڭ دە شاماسى جەتپەي جاتىر. پرەزيدەنت ەنگىزىپ جاتقان توتەنشە جاعداي ەل ازاماتتارىنىڭ قاۋىپسىزدىگى ءۇشىن قاجەتتى، ءماجبۇرلى ءارى وڭ قادام. وسىعان وراي ءارتۇرلى پىكىرلەر جازىلىپ جاتىر. ەل بولعاننان كەيىن بۇل دا زاڭدىلىق شىعار. بىراق، وسىنداي قيىن جاعدايدا قوعامدىق تۇتاستىقتىڭ بولۋى ماڭىزدى. ءاربىر قادامنان ساياسي استار ىزدەي بەرمەي باۋىرمالدىق پەن ساياسي كوزقاراسى مەن ۇستانىمىنا قاراماي بىرلىگىمىزدى كورسەتەتىن، ەلدىگىمىزدى بىلدىرەتىن كەزدى وسىنداي جاعدايدا كورسەتۋىمىز قاجەت-اق.

انادان دا، مىنادان دا ساياسات ىزدەمەي الداعى توتەنشە جاعداي كەزىندە ۆيرۋستان قورعانۋ شارالارىن، قاۋىپسىزدىك ماسەلەلەرىن كوبىرەك تالداپ، حالىققا پايدالى اقپاراتتارمەن بولىسكەن دۇرىس دەپ ەسەپتەيمىن. ءدال قازىر اۋىرىپ جاتقان ازاماتتارىمىزعا ساۋلىق تىلەيمىن. بۇل سان ءالى دە ارتۋى مۇمكىن. جاراتۋشى ءوزى ەلىمىزگە جار بولسىن. ەشقانداي ۇلكەن ساياسي پروتسەستەر مۇنداي قيىن-قىستاۋ كەزەڭدە ورىن المايدى دەگەن ويدامىن. ازاماتتارىمىزدىڭ ساۋلىعى مەن اماندىعى بارىنەن جوعارى تۇرۋى ءتيىس.

باۋىرجان سەرىكبايدىڭ الەۋمەتتىك جەلىدەگى جازباسى

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3602