بەيسەنبى, 28 ناۋرىز 2024
رەسمي جاۋاپ 4261 8 پىكىر 16 ناۋرىز, 2020 ساعات 17:34

ۇقك: داۋروۆتىڭ ارەكەتىندە قىلمىستىق قۇرام جوق

28 اقپان سايتىمىزدا قازاقستان حالقى اسسامبلەياسىنىڭ مۇشەسى، دۇنگەن قاۋىمداستىعىنىڭ باسشىسى حۋساي داۋروۆتىڭ قىتايدان قارجىلاي كومەك سۇراعانى جايلى ماقالا جاريالاندى. «داۋدىڭ باسى داۋروۆتىڭ حاتى بولىپ تۇر...» اتتى سول ماقالامىزدا دۇنگەندەر دياسپوراسىنىڭ جەتەكشىسى داۋروۆتىڭ ارەكەتتەرىن قۇزىرلى ورگان وكىلدەرىنىڭ نازارىنا ۇسىندىق.

قورداي وقيعاسىندا قۇلاعان قۇرلىستى قالپىنا كەلتىرۋگە قازاقستان ۇكىمەتى جەتكىلىكتى قارجى ءبولدى (1 ملرد. 700 ملن. تەڭگە). ۇكىمەتتىك كوميسسيا قۇرىلىپ، قاقتىعىستىڭ زاردابى تولىق ەسەپتەلدى. مەملەكەت بارلىق شىعىندى وتەۋگە ۋادە بەردى.

سولاي بولا تۇرا، ان حۋساي داۋروۆ دەگەن قازاقستان ازاماتىنىڭ ەسەپشوت اشىپ، شەتەلدەن قارجىلاي كومەك سۇراعانى ەل تىنىشتىعىنا مۇددەلى ءاربىر ازاماتتىڭ كوڭىلىنە ەكىۇداي وي سالعانى ءسوزسىز. سونىمەن قاتار، ءبىز ايتىپ وتىرعان ازامات الەۋمەتتىك جەلىدەگى جەكە پاراقشاسىندا قازاقستان پرەزيدەنتىنەن گورى، قىتاي توراعاسى جايلى كوپ جازاتىنىنا دا نارازىلىق بىلدىردىك.

ونداعى ويىمىز، جاڭاعى حاتتى جازعان شىنىمەن دە قازاقستان ازاماتى حۋساي داۋروۆ پا، الدە بۇل ارانداتۋشىلىقتان تۋعان ارەكەت پە؟ ەگەر الگى حاتتى جازعان شىنىندا داۋروۆ بولسا، قازاقستان ازاماتىنىڭ بوتەن مەملەكەتتىڭ بيلىگىنەن قارجىلاي كومەك سۇراۋى قانشالىق زاڭدى؟ وسى سۇراقتاردىڭ انىق-قانىعىن قۇزىرلى ورگان وكىلدەرى انىقتاسا دەدىك. سول ماقساتتا ماقالامىزدى ەلىمىزدىڭ باس پروكۋراتۋراسى مەن ۇلتتىق قاۋىپسىزدىك كوميتەتىنە قاراتا جازدىق.

وسىعان دەيىن باس پروكۋراتۋرا مەن «نۇر وتان» پارتياسى ماسەلەنى نازارعا العانىن ايتىپ، رەسمي حات جازعان.

ال بۇگىن رەداكتسياعا قر ۇلتتىق قاۋىپسىزدىك كوميتەتى جامبىل وبلىسى بويىنشا دەپارتامەنتىنىڭ جاۋابى كەلدى. وندا ءبىزدىڭ ماقالانىڭ قر 2007 جىلى 12 قاڭتارداعى №221 «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» زاڭنىڭ نەگىزىندە قارالعانى جازىلعان.

ۇقك شەشىمى: «قازاقستان ازاماتى داۋروۆ حۋسەي شيمارۇلىنىڭ ارەكەتتەرىندە قر قك 174-بابىندا (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋ) كوزدەلگەن قىلمىستىق قۇرامى جوق بولعاندىقتان، ونىمەن الەۋمەتتىك جەلىلەردە كەلەڭسىز جاريالىمداردى قايتالاماۋىنا باعىتتالعان ءتيىستى تۇسىندىرمە اڭگىمەسى جۇرگىزىلدءى».

ۇقك جاۋابىنان ۇققانىمىز، داۋروۆتىڭ ارەكەتىندە قىلمىستىق قۇرام جوق. بىراق وعان الەۋمەتتىك جەلىدەگى جازبالارىنا اباي بولۋعا ەسكەرتۋ جاسالعان.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516