جۇما, 29 ناۋرىز 2024
46 - ءسوز 5107 6 پىكىر 16 ناۋرىز, 2020 ساعات 13:13

تەڭگەنى ءارى قاراي ۇستاپ تۇرۋعا ۇلتتىق بانكتىڭ قاۋقارى جەتپەيدى

قازاقستاننىڭ ۇلتتىق بانكى بۇگىننەن باستاپ، تەڭگەنى ەركىن اينالىمعا جىبەرىپ وتىر. ول دەگەنىمىز كۋرستىڭ قۇنىن انىقتاۋعا جانە ۇستاپ تۇرۋ ءۇشىن وكتەمدىلىك ساياساتىنىڭ جۇرگىزىلمەيتىندىگىن بىلدىرەدى.

وتكەن اپتادا-اق ۇلتتىق بانك كۋرستى ۇستاپ تۇرامىز، ول ءۇشىن ءبىزدىڭ رەزەرۆتەرىمىز جەتكىلىكتى دەپ مالىمدەگەن بولاتىن. شىنداپ كەلگەندە التىن رەزەرۆ قورىنىڭ 70%-ى التىننان تۇرعاندىقتان. شەت ەلدىك ۆاليۋتانىڭ رەزەرۆتەگى ۇلەسىنىڭ جەتكىلىكسىزدىگىن ايعاقتايدى.

دەمەك ءارى قاراي تەڭگەنى ۇستاپ تۇرۋعا ۇلتتىق بانكتىڭ قاۋقارى جەتپەيدى، ەندى نارىقتاعى سۇرانىس پەن ۇسىنىستىڭ ناتيجەسىندە تەڭگەنىڭ ناقتى نارىقتىق باعاسى انىقتالاتىن بولادى. تەك بۇل ارادا سپەكۋليانتتارعا جول بەرىلمەۋى قاجەت. سەبەبى بۇل جاعداي، ءالسىز تەڭگە ەكسپورتتاۋشىلار ءۇشىن، ياعني مۇنايلى كومپانيالار ءۇشىن ءتيىمدى.

وتكەن اپتادا اقش فەدەرالدى رەزەرۆتىك جۇيەسى قىسقا مەرزىمدى وتىمدىلىكتى 1,5 ترلن. اقش دوللارعا بەرۋدى جانە كەشە كەزەكتەن تىس دوللاردىڭ كىلتتى پايىزدىق مولشەرلەمەسىن 0-0,25% دەيىن تومەندەتىپ، ەكونوميكانى قولداۋ جانە مۇمكىن قۇلدىراۋ سالدارىن ازايتۋ ءۇشىن جالپى سوماسى 700 ملرد. اقش دولل.ءبولىپ، ساندىق جەڭىلدەتىلگەن (QE - quantitative easing) باعدارلامانى جاريالادى.

اقش فەدەرالدى رەزەرۆتەر جۇيەسى ءۇي شارۋاشىلىعىن جانە بيزنەستى نەسيەلەندىرۋدى قامتاماسىز ەتۋ ءۇشىن، سونداي-اق جۇمىسباستىلىقتى جانە باعا تۇراقتىلىعىن قامتاماسىز ەتۋ ءۇشىن بارلىق قۇرالدارىن قولدانۋعا دايارلىعىن مالىمدەدى.

ال بىزدە كەرىسىنشە بازالىق پايىز 12-گە دەيىن كوتەرىلىپ وتىر. ول دەگەنىمىز ءۇي شارۋاشىلىعى مەن بيزنەسكە بەرىلەتىن نەسيەلەردىڭ قىمباتتاپ جاتقانىن كورسەتەدى. قازىر كورونوۆيرۋستىڭ ەلىمىزدە پايدا بولۋىنا بايلانىستى جاسالعان توتەنشە جاعداي بيزنەستىڭ تابىسىن ورتايتىپ وتىر، ولاردىڭ بۇگىنگە دەيىن الىپ وتىرعان نەسيەلەرىن تولەۋگە بايلانىستى كونيكۋل جاريالانسا يگى ەدى.

سونداي-اق بيزنەس ءۇشىن ارزان اقشانىڭ تومەن پايىزدى نەسيەنىڭ قول جەتىمدىلىگىن قامتاماسىز ەتۋ قاجەت. ال ازاماتتاردىڭ تەڭگەنىڭ قۇنسىزدانۋىنا بايلانىستى ورتايىپ جاتقان جالاقىلارىن ءوسىرۋ قاجەت، ايتپەسە حالىقتىڭ تولەمقابىلەتتىلىگى تومەندەپ بارادى.

ماقسات حالىقتىڭ الەۋمەتتىك جەلىدەگى جازباسى

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616