سارسەنبى, 23 قىركۇيەك 2020
COVID-19 قازاقستاندا. جۇقتىرعاندار — 107450. جازىلعاندار — 102064. قايتىس بولعاندار — 1699
بيلىك 776 0 پىكىر 11 ناۋرىز, 2020 ساعات 10:37

مەملەكەت باسشىسى نۇرلان ەرمەكباەۆتى قابىلدادى

مەملەكەت باسشىسى قاسىم-جومارت توقاەۆ قورعانىس ءمينيسترى نۇرلان ەرمەكباەۆتى قابىلدادى.

قارۋلى كۇشتەردىڭ جوعارعى باس قولباسشىسىنا الەمدەگى زاماناۋي قاۋىپ-قاتەرلەردى ەسكەرە وتىرىپ، قارۋلى كۇشتەردى قالىپتاستىرۋدىڭ جانە دامىتۋدىڭ تۇجىرىمداماسىن پىسىقتاۋ، سونداي-اق، قارۋ-جاراقتاردى، وق-دارىلەردى، اسكەري تەحنيكالاردى ينۆەنتاريزاتسيالاۋ جانە تەكسەرۋ جۇمىستارى تۋرالى باياندالدى.

نۇرلان ەرمەكباەۆ قاسىم-جومارت توقاەۆقا مينيسترلىكتىڭ گەوساياسي جانە ەكونوميكالىق باعىتتاعى سىن-قاتەرلەردى مونيتورينگتەۋ بويىنشا جۇرگىزىپ جاتقان جۇمىستارى، حالىقارالىق اسكەري ىنتىماقتاستىق ماسەلەلەر تۋرالى ايتتى. سونىمەن قاتار ەلىمىزدىڭ قارۋلى كۇشتەرىن ءتيىمدى باسقارۋدى جاقسارتۋعا جانە قورعانىس قابىلەتىن ارتتىرۋعا نەگىزدەلگەن زاڭ جوباسىن دايىنداۋ جايىندا مالىمەت بەردى.

مەملەكەت باسشىسى قارۋلى كۇشتەردىڭ، وق-ءدارى قويمالارىنىڭ، پوليگوندار مەن اسكەري قالاشىقتاردىڭ ينفراقۇرىلىمىن جەتىلدىرۋ جۇمىستارىن جۇرگىزۋگە باسا ءمان بەردى.

كەزدەسۋ قورىتىندىسى بويىنشا جوعارعى باس قولباسشى قورعانىس مينيسترىنە اسكەري قىزمەتشىلەردىڭ الەۋمەتتىك جاعدايىن كوتەرۋگە جانە اسكەري كادرلاردى دايىنداۋ ساپاسىن ارتتىرۋعا، سونداي-اق، اسكەري ءتارتىپتى كۇشەيتۋ شارالارىن قابىلداۋعا قاتىستى بىرقاتار ناقتى تاپسىرما بەردى.

Abai.kz

0 پىكىر