جۇما, 29 ناۋرىز 2024
2928 38 پىكىر 6 ناۋرىز, 2020 ساعات 11:41

پۋتين مەن ەردوعان يدليبتەگى سوعىستى توقتاتۋعا كەلىستى

ماسكەۋ مەن انكارا 6 ناۋرىزدان باستاپ يدليبتەگى سوعىستى توقتاتۋعا كەلىستى. بۇل جونىندە سيرياداعى جانجالدى بەيبىت رەتتەۋ جونىندەگى مەموراندۋمدا ايتىلعان. تۇركيا پرەزيدەنتى رەجەپ ەردوعان مەن رەسەي باسشىسى ۆلاديمير پۋتين كرەملدەگى كەزدەسۋدەن كەيىن وسىنداي شەشىمگە كەلدى.

ءپۋتيننىڭ سوزدەرىنشە، سيريادا جىل باسىنان بەرى راديكالدى توپتار رەسەيدىڭ "حمەيميم" اسكەري بازاسىنا سوققى بەرە باستاعان. ء"بىز سيرياداعى تۇرىك تاراپىنان سيريادا بولىپ جاتقان جاعدايعا بەرەتىن باعاسىنا ۇنەمى كەلىسە بەرمەيمىز. بىراق ۋشىققان تۇستا ورتاق مامىلەگە كەلە بىلەمىز. وسى جولى دا سولاي بولدى", - دەپ اتاپ ءوتتى رەسەيلىك پرەزيدەنت.

كەلىسسوز باستالاردان بۇرىن پۋتين يدليبتە سوعىس قايتالانبايتىنداي جانە ورىس-تۇرىك قارىم-قاتىناسى بۇزىلمايتىنداي ەتىپ ۋاعدالاسۋ كەرەك دەگەن.

رەسەي پرەزيدەنتى سيرياداعى تۇرىك جاۋىنگەرلەرىنىڭ قازاسىنا كوڭىل ايتتى.

تۇركيا پرەزيدەنتى بولسا پۋتينمەن كەلىسسوز ناتيجەسى يدليبتەگى جاعدايدى جەڭىلدەتەدى دەپ ۇمىتتەنەتىنىن جەتكىزدى.

سيريانىڭ يدليب ايماعىندا سوڭعى ۋاقىتتا كەسكىلەسكەن شايقاس ءجۇرىپ جاتىر. تۇرىك اسكەرى اساد سوعىسىپ جاتقان قارۋلى وپپوزيتسيوننى قولدايدى. شايقاس كەزىندە تۇرىكتىڭ ونداعان جاۋىنگەرى قازا تاپقان.

Abai.kz

38 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604