باس پروكۋراتۋرا حابارلاماسىنا سايكەس، يبراگيموۆ بانك اكتيۆتەرىن ۇرلادى دەگەن كۇدىككە ءىلىنىپ، ىزدەۋدە بولعان. ول بانكتىڭ بۇرىنعى باسشىسى، وپپوزيتسيالىق ساياساتكەر "مۇحتار ءابليازوۆتىڭ جەتەكشىلىك ەتۋىمەن ارەكەت ەتكەن". ءباا-دا قىرعىزستان پاسپورتىمەن جۇرگەن يبراگيموۆ "قازاقستاندىق قۇقىق قورعاۋ ورگاندارىنىڭ اراب جانە قىرعىز ارىپتەستەرىمەن بىرلەسە اتقارعان جۇمىسىنىڭ ناتيجەسىندە" ۇستالعان.
قازىر ول الماتىداعى تەرگەۋ يزولياتورىندا قاماۋدا وتىر.
قازاقستان بيلىگى ءابليازوۆتى بتا بانكىنىڭ ميللياردتاعان قارجىسىن جىمقىردى دەپ ايىپتايدى.
2009 جىلدان بەرى شەتەلدە تۇرىپ كەلە جاقان مۇحتار ءابليازوۆ وزىنە تاعىلعان ايىپتاردى تولىق جوققا شىعارادى جانە بيلىكتى "اكتيۆ كولەمى جاعىنان ەلدەگى ەڭ ءىرى بانكتى تارتىپ الدى" دەيدى.
نۇر-سۇلتان ونى ەلگە ەكستراديتسيالاۋعا كۇش سالعانمەن ناتيجە شىققان جوق.
2017 جىلى الماتى سوتى مۇحتار ءابليازوۆتى بتا بانكىنىڭ "اقشاسىن جىمقىرۋ ءىسى" بويىنشا كىنالى دەپ تاۋىپ، سىرتتاي 20 جىلعا سوتتادى. بۇرىنعى ەكى توپ مەنەدجەر شارتتى جازا الدى. بتا بانكتىڭ نەسيەلەندىرۋ بويىنشا بۇرىنعى ديرەكتورى قايرات سادىقوۆ ۇزاق جىلعا سوتتالدى.
Abai.kz
