جۇما, 29 ناۋرىز 2024
3413 1 پىكىر 2 ناۋرىز, 2020 ساعات 11:20

ۇكىمەت كوروناۆيرۋسقا قاتىستى جاعدايدى ءوز باقىلاۋىندا ۇستاپ وتىر - ەرالى توعجانوۆ

پرەمەر-ءمينيستردىڭ ورىنباسارى ەرالى توعجانوۆ ۇكىمەتتىڭ كوروناۆيرۋسقا قاتىستى جاعدايدى باقىلاۋىندا ۇستاپ، ءتيىستى شارالاردى قابىلداپ جاتقانىن ايتتى.

«مەملەكەت باسشىسى قاسىم-جومارت توقاەۆتىڭ قىتايدا تىركەلگەن كوروناۆيرۋستىڭ قازاقستان اۋماعىندا تارالماۋىنا جول بەرمەۋ جونىندە ۇكىمەتكە ناقتى ۇيىمداستىرۋ شارالارىن قابىلداۋدى تاپسىرعان ەدى. بۇل ماسەلەنى پرەزيدەنت جەكە باقىلاۋىندا ۇستاپ وتىر. ۇكىمەت وتىرىسىندا پرەمەر-ءمينيستردىڭ قاتىسۋىمەن كۇن سايىن قارالۋدا. ارنايى ءىس-جوسپارلارى بۇگىن دە بەكىتىلگەن. اتالعان ماسەلەنى ءجىتى قاداعالاۋدا ۇستاۋ ماقساتىندا قۇرىلعان ۇكىمەتتىك ۆەدومستۆوارالىق كوميسسيانىڭ تۇراقتى جۇمىسى اتقارىلىپ، كۇندەلىكتى قاجەتتى شارالار بويىنشا ناقتى شەشىمدەر ىسكە اسىرىلۋدا»، - دەدى ەرالى توعجانوۆ ۇكىمەتتىڭ ءباسپاسوز ورتالىعىندا وتكەن بريفينگ بارىسىندا.

ۇكىمەت باسشىسىنىڭ ورىنباسارى اتاپ وتكەندەي ءوڭىر باسشىلارىنا دا ءتيىستى تاپسىرمالار بەرىلىپ جاتقانىن جەتكىزدى.

«ماسەلەنىڭ ماڭىزدى ەكەنى ايدان انىق. نەگە دەسەڭىز ءار ازاماتتىڭ ءومىرىنىڭ قاۋىپسىزدىگىن قامتامامىز ەتۋ – ءبارىمىزدىڭ نەگىزگى مىندەتتەرىمىزدىڭ ءبىرى. ۆيرۋستىڭ تارالۋ ايماعى قىسقا مەرزىمنىڭ ىشىندە تەز وسۋدە. بۇگىنگى تاڭداعى مالىمەتكە سايكەس كوروناۆيرۋس 88,4 مىڭداي ادامعا جۇققان. 3 مىڭعا جۋىق ادام قايتىس بولعان. 42,8 مىڭنان استام ادام جازىلىپ كەتكەن»، - دەدى ول.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618