سيرياداعى توعىز جىل سوعىستا تۇركيا العاش رەت وسىنشا كوپ ساربازىنان ايرىلىپ وتىر. بەيسەنبى كۇنى كەشكە تۇركيا پرەزيدەنتى رەجەپ ەردوعان ەلدىڭ قاۋىپسىزدىك كەڭەسىنىڭ جينالىسىن وتكىزدى.
اساد جۇيەسىنە قۇرلىقتا دا، اۋەدە دە سوققىمەن جاۋاپ بەرۋ تۋرالى شەشىم قابىلداندى دەپ مالىمدەدى "انادولى" اگەنتتىگىنە انكارانىڭ رەسمي وكىلى فاحرەتتين التۋن:
"جينالىستا اساد جۇيەسى ءجۇز مىڭداعان سيريالىقتىڭ ولىمىنە جاۋاپتى ەكەنى ايتىلىپ، زاڭسىز جۇيەدەن كەك الۋ تۋرالى شەشىم قابىلداندى".
يدليبتەگى جاعدايدىڭ ۋشىعۋى سالدارىنان تۇركيا مەن رەسەي مايداندا بەتپە-بەت كەزدەسىپ قالۋى مۇمكىن. تۇركيا بۇنى بولدىرماۋعا تىرىسادى. انكارا وكىلى بەيسەنبى كۇنى تۇرىك اسكەرىنە سوققىنى اساد كۇشتەرى جاسادى دەگەنىمەن، يدليبكە اۋە سوققىلارىنىڭ دەنىن رەسەي اۋە كۇشتەرى جۇزەگە اسىرىپ وتىر.
تاياۋ شىعىستاعى سوعىستان ميلليون ادام سيريانى تاستاپ كەتتى، ولاردىڭ دەنى تۇركياداعى بوسقىندار لاگەرلەرىندە تۇرىپ جاتىر، بىراق كوبىسى ەۋروپاعا ءوتۋدى قالايدى.
بۇۇ يدليبتەگى بەيبىت حالىققا قاۋىپ ءتونىپ، ولاردىڭ گۋمانيتارلىق قۇقىقتارى بۇزىلعانىن جاريالادى. ۇيىم مالىمەتى بويىنشا، جەلتوقساننىڭ باسىنان بەرى پروۆينتسيانى شامامەن 950 مىڭ ادام تاستاپ كەتتى.
Abai.kz
