بەيسەنبى, 2 ءساۋىر 2020
بيلىك 595 0 پىكىر 27 اقپان, 2020 ساعات 12:43

مەملەكەت باسشىسى اسحات ايماعامبەتوۆتى قابىلدادى

مەملەكەت باسشىسى قاسىم-جومارت توقاەۆ ءبىلىم جانە عىلىم ءمينيسترى اسحات ايماعامبەتوۆتى قابىلدادى.

پرەزيدەنتكە ءبىلىم جانە عىلىم سالاسىنىڭ قازىرگى احۋالى جايىندا باياندالدى.

قاسىم-جومارت توقاەۆ جوعارى ءبىلىم بەرۋدىڭ ساپاسىن ودان ءارى ارتتىرۋ، قالا مەن اۋىل مەكتەپتەرىندەگى ءبىلىم ساپاسىنىڭ دەڭگەيىن سايكەستەندىرۋ قاجەتتىگىنە باسا ءمان بەردى. سونىمەن قاتار بالالارعا قوسىمشا ءبىلىم بەرۋ شارالارىن كوبەيتۋدىڭ، مەكتەپتەردە تاربيە جۇمىستارىن بەلسەندى جۇرگىزۋدىڭ ماڭىزدىلىعىن اتاپ ءوتتى.

مەملەكەت باسشىسى وبلىس اكىمدەرىمەن بىرلەسىپ اپاتتى جانە ءۇش اۋىسىمداعى مەكتەپتەردىڭ پروبلەماسىن شەشۋ، ءبىلىم بەرۋ وشاقتارىندا كۇردەلى جوندەۋ جۇمىستارىن ۋاقتىلى جۇرگىزۋ قاجەتتىگىن ايتتى.

سونداي-اق پرەزيدەنت عىلىم سالاسىن قارجىلاندىرۋ جانە باسقارۋ جۇيەسىن جاڭعىرتۋ شارالارىن قابىلداۋدى، عىلىمعا بولىنەتىن قارجى كولەمىن كوبەيتۋدى، عىلىمي كادرلاردى دايىنداۋدىڭ تيىمدىلىگىن ارتتىرۋدى تاپسىردى.

Abai.kz

0 پىكىر