جۇما, 29 ناۋرىز 2024
4075 1 پىكىر 27 اقپان, 2020 ساعات 12:33

Kaspi Gold كارتاسىن قولداناتىن كاسىپكەرلەرگە سالىق تولەۋ ۇسىنىلدى

نۇر-سۇلتان قالاسى ءماسليحاتىنىڭ دەپۋتاتى يليا مەششەرياكوۆ Kaspi Gold كارتاسىن قولداناتىن استانالىق كاسىپكەرلەرگە جالپى تابىستىڭ 3 پروتسەنتىن سالىق رەتىندە تولەۋدى ۇسىندى،-دەپ حابارلايدى Sputnik.kz.

دەپۋتات ءوز باستاماسىن استانالىق ءماسليحات كوميسسياسىنىڭ بيۋدجەت، ەكونوميكا، ونەركاسىپ جانە كاسىپكەرلىك جونىندەگى تۇراقتى وتىرىسىندا جاريا ەتتى.

-جەكە كاسىپكەر رەتىندە Kaspi بانكپەن بايلانىسى بار بيزنەسمەندەرگە، جەكە تۇلعالارعا جالپى تابىستىڭ 3 پايىزىن سالىق رەتىندە تولەۋدى ءتۇسىندىرۋىمىز كەرەك. جالپى تابىستىڭ 3 پايىزى اسا ۇلكەن سوما ەمەس. تابىس ءبىر ميلليون بولسا – 30 مىڭ تەڭگە، 10 ميلليون بولسا – 300 مىڭ تەڭگە، - دەپ اتاپ ءوتتى يليا مەششەرياكوۆ.

دەپۋتات استانالىق كاسىپكەرلەردى ىنتالاندىرۋ ماقساتىندا "تولە دە، تىنىش ۇيىقتا", "ادال بولۋ ۇتىمدى" سەكىلدى جارناما ۇرانىن دا مىسالعا كەلتىردى.

قازىر جەكە تۇلعالاردىڭ اۋدارىمدارى تۋرالى اقپارات بانك قۇپياسى بولىپ سانالادى. جانە مەملەكەتتىك كىرىستەر كوميتەتىنە بەرىلمەيدى. ەلوردالىق مەملەكەتتىك كىرىستەر دەپارتامەنتىنىڭ باسشىسى قالمۇحانبەت ىسقاقوۆ وسى ماسەلە بويىنشا بانكپەن كەلىسسوز جۇرگىزىلىپ جاتقانىن اتاپ ءوتتى.

"وتكەن جىلى بەلگىلى ءبىر كەلىسىمگە قول جەتكىزدىك. Kaspi bank Kaspi Business تولەم كارتالارىن شىعارىپ، تولەمدەردى بولۋگە تىرىسىپ جاتىر", - دەدى باسقارما باسشىسى.

ەگەر اتالعان جۇيەنى بانك ەنگىزسە، Kaspi Gold كارتالارى ارقىلى تولەمدەر مەن اۋدارىمدار جاسالادى. ال بيزنەسى بارلارعا Kaspi Business كارتاسى ۇسىنىلادى. سول ارقىلى بارلىق اقپارات مەملەكەتتىك كىرىستەر كوميتەتىنە بەرىلەدى", - دەدى ىسقاقوۆ.

-ءبىز ناقتى سالىقتان ۇلكەن شىعىندى كورىپ وتىرمىز. بۇل كارتانى بارلىق ادام قولداناتىنى بەلگىلى. ادامداردى pos-تەرمينال ارقىلى تولەم جاساۋ مەن كەشبەك تۇرىندە تولەمنىڭ بەلگىلى ءبىر پايىزىن الۋعا قىزىقتىرۋعا تىرىسىپ جاتىرمىز", - دەدى دەپارتامەنت باستىعى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621