جۇما, 10 ءساۋىر 2020
COVID-19 قازاقستاندا. جۇقتىرعاندار — 802. جازىلعاندار — 61. قايتىس بولعاندار — 9
46 - ءسوز 2472 11 پىكىر 21 اقپان, 2020 ساعات 11:05

زايسانداعى جاعداي - بيلىكتىڭ حالىقپەن جۇمىس ىستەۋگە قابىلەتسىزدىگىنىڭ ناتيجەسى

قيت ەتسە، اسكەردى تاسىعاندى قويۋ كەرەك. مەن زايسانداعى جاعدايدى جەرگىلىكتى بيلىكتىڭ حالىقپەن جۇمىس ىستەۋگە قابىلەتسىزدىگىنىڭ ناتيجەسى دەپ بىلەمىن.

1) ءاربىر قادامدى سول جەردىڭ حالقىنا ءتۇسىندىرىپ وتىرۋ كەرەك بولعان.

2) اقپاراتتاندىرۋ ورتالىقتارىن قۇرۋ كەرەك بولعان.

3) ناقتى شەشىمدەر قابىلداعاندا "حالىق قالاي قابىلدايدى" دەگەن سۇراققا بولجاۋ جاساۋ كەرەك بولعان.

ەشقانداي ءتۇسىندىرۋ جۇمىستارى، قوعامدىق پىكىردى بولجاۋ بولماعان.
ناقتى سەبەبى وسى. ويتەنى وبلىس باسشىلىعى، جەرگىلىكتى جەردىڭ ءمان- جايىن بىلمەيدى، حالىقتى جوعارعى ەتاجداردىڭ كابينەتىنەن باسقارعىسى كەلەدى.
ەندى، سول شولاق- باسشىلاردىڭ قاتەلىگى ءۇشىن، ۋلاتىپ- شۋلاتىپ، حالىقتى ۇركىتىپ، اسكەر كىرگىزۋدىڭ قاجەتى قانشا؟

ول جاقتا ءبىلىمدى، پاراساتتى، اقىلدى، ەرجۇرەك حالىق تۇرادى.

ولار، ءاربىر جاعدايدى اقىلمەن، ساليقالى - سالماقتى تۇردە شەشۋگە قابىلەتتى.

جاعدايدى ۋشىقتىرىپ وتىرعان سول جەردەگى، وبلىس دەڭگەيىندەگى " ءالىپتى بي" دەپ بىلمەيتىن، حالىقتان اۋاشا جۇرەتىن باسشىلار..

سولاردىڭ ايداۋىمەن جۇرەمىز دەپ، حالىقتى اشۋلاندىرىپ الماڭىزدار.
جوڭعارمەن سوعىسقان، سول جەر ءۇشىن قانىن توككەن، قىزىل اسكەرمەن كۇرەسكەن، ارعى بەتتە شۇرشىتكە توتەپ بەرگەن حالىقتىڭ مىنەزى ۇشقىر. ماسەلەنى بايىپپەن، اقىل-ويمەن، ىنتامەن شەشكەن ابزال.

وسىناۋ كۇردەلى كۇندەرى مەن زايسان، تارباعاتاي حالقىمەن بىرگەمىن! ول قاسيەتتى ولكەدەگى ءاربىر ازاماتتىڭ ء"بىر تال شاشى" ءۇشىن بۇكىل قازاق بولىپ جاۋاپ بەرەمىز!

وسى ەسىمىزدە بولسىن...

ەلىمىز امان، جۇرتىمىز تىنىش بولسىن!
ىنتىماعىمىز، ىقپالداستىعىمىز ارتا بەرسىن!

ەرلان سايروۆتىڭ الەۋمەتتىك جەلىدەگى جازباسىنان

Abai.kz

11 پىكىر