بەيسەنبى, 2 ءساۋىر 2020
1151 8 پىكىر 18 اقپان, 2020 ساعات 15:29

قوردايدا پوليتسيا قىزمەتكەرلەرىنە قارسى كۇش قولدانۋ ءىسىن تەرگەۋ اياقتالدى

قورداي اۋدانىنىڭ پوليتسيا قىزمەتكەرلەرىنە قاتىستى زورلىق-زومبىلىقتى تەرگەۋ اياقتالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.

- 2020 جىلدىڭ 7 اقپانىندا جامبىل وبلىسى قورداي اۋدانى سارتوبە اۋلىندا جول پوليتسياسى قىزمەتكەرلەرىنىڭ پاترۋلدەۋ كەزىندە ل.ۆوينگۋيدىڭ باسقارۋىنداعى «حوندا وديسسەي» اۆتوكولىگى توقتاتىلعان.

كولىكتىڭ ءتيىستى قۇجاتتارى بولماعاندىقتان، ل.ۆوينگۋيعا پوليتسيا بولىمىنە بارۋ ۇسىنىلعان.

الايدا، ول وفيتسەرلەردىڭ تالاپتارىن ورىنداماي، ۇيىنە قاراي بەت العان جانە كەيىننەن اعالارى ا. ۆوينگۋي جانە م. ۆوينگۋيمەن بىرلەسىپ پوليتسيا قىزمەتكەرلەرىنە قارسى زورلىق-زومبىلىق جاساعان.

وسى وقيعانىڭ ۆيدەوسى بۇقارالىق اقپارات قۇرالدارى مەن الەۋمەتتىك جەلىلەردە تاراتىلدى.

اتالعان فاكتى بويىنشا باس پروكۋراتۋرانىڭ ارنايى پروكۋرورىمەن قىلمىستىق كودەكستىڭ 380-بابىنىڭ 1-بولىگى (بيلىك وكىلىنە قاتىستى كۇش قولدانۋ) بويىنشا سوتقا دەيىنگى تەرگەۋ جۇرگىزىلدى. ءۇش ايىپتالۋشى ءوز كىنالارىن تولىق مويىنداپ، تەرگەۋ سوتىمەن قاماۋعا الىندى.

اعىمداعى جىلدىڭ 14 اقپانى كۇنى قىلمىستىق ءىس ايىپتاۋ اكتىسىمەن قورداي اۋداندىق سوتىنا جولداندى، - دەلىنگەن باس پروكۋراتۋرانىڭ حابارلاماسىندا.

Abai.kz

8 پىكىر